لندن میں قائم انسانی حقوق آبزروٹری کے ڈائریکٹر رامی عبدالرحمن نے ہفتے کے روز اپنی رپورٹ میں بتایا ہے کہ شام کے جنوبی شہر درعا میں فوجی چیک پوائنٹ پر دو گاڑیوں میں ہونے والے بارودی دھماکے میں بشار الاسد کے وفادار 20 فوجی ہلاک ہو گئے۔

ترک حکام نے کہا ہے کہ جنوب مشرقی ترکی میں ہیلی کاپٹر کے حادثے میں سترہ افراد ہلاک ہو گئے ہیں۔

مصر کے دارالحکومت قاہرہ میں ہزاروں افراد نے ملک کے مجوزہ آئین میں اسلامی شریعت کوقانون سازی کا بنیادی مآخذ قرار دلوانے کے لیے نماز جمعہ کے بعد مظاہرہ کیا ہے۔

جاپان نے جمعہ کو اعلان کیا ہے کہ اس ماہ دنیا بھر کے ساٹھ ممالک سے تعلق رکھنے والے قریباً ایک سو پچاس مندوبین کا ٹوکیو میں اجلاس ہو گا جس میں شامی تنازعے پر غور کیا جائے گا۔

طائف ،البا اورمدینہ منورہ کے بعد مکہ مکرمہ میں بھی طوفانی بارش جاری ہے۔

عراق کے دارالحکومت بغداد کے نواح میں واقع ایک فوجی اڈے کے باہر خودکش کار بم دھماکے کے نتیجے میں اکتیس فوجی ہلاک اور پچاس سے زیادہ زخمی ہو گئے ہیں۔

شام کے صوبہ حماہ میں خودکش کار بم دھماکے کے نتیجے میں کم سے کم پچاس سکیورٹی اہلکار ہلاک ہو گئے ہیں جبکہ شمالی صوبے ادلب میں سرکاری فوج کے فضائی حملے میں بائیس جنگجو مارے گئے ہیں۔

خلیجی ریاست بحرین کے دارالحکومت منامہ میں پیر کے روز سلسلہ وار پانچ بم دھماکوں میں دو ایشائی باشندے جاں بحق اور ایک زخمی ہوا ہے۔ منامہ دھماکوں میں دیسی ساختہ بم استعمال کیے گئے۔ چار بم کوڑے کے ڈھیر جبکہ ایک کار میں پھٹا۔

شام کے دارالحکومت دمشق میں ایک ہوٹل کے نزدیک اور سرکاری لیبر یونین کے دفاتر کے باہربم دھماکا ہوا ہے جس کے نتیجے میں متعدد افراد زخمی ہو گئے ہیں۔

دمشق: شام میں حکومت مخالف باغیوں نے ہفتے کو کہا ہے کہ انہوں نے حکومتی افواج کی جانب سے استعمال کئے جانے والے اہم شمالی فضائی اڈے پر قبضے کے لئے ایک بڑا آپریشن شروع کردیا ہے۔