امریکی انتظامیہ مالی میں مشتبہ شدت پسندوں کے خلاف لڑائی میں افریقی ملکوں کی فوج کو تربیت دینے کے لئے کانگریس سے بتیس ملین امریکی ڈالرز کی منظوری حاصل کر رہی ہے۔

مصر کے شہر پورٹ سعید میں ایک عدالت کی جانب سے اکیس افراد کو سزائے موت دیے جانے کے فیصلے کے بعد ہونے والے ہنگاموں کے نتیجے میں ہلاکتوں کی تعداد تیس جبکہ زخمیوں کی تعداد تین سو سے زیادہ ہوگئی ہے۔

افغانستان کے شمال مشرقی شہر قندوز کے گنجان آباد علاقے میں ہفتے کو ہونے والے دھماکے میں کم از کم 10 پولیس اہلکار ہلاک اور 18 افراد زخمی ہو گئے جن میں سے اکثریت شہریوں کی ہے۔

شام کے منحرف سفارتکار نے ایک چشم کشا انکشاف میں دعوی کیا ہے کہ سعودی عرب کے مشرقی شہر جدہ میں شامی قونصل خانے کے نائب شوقی الشماط یوم عرفہ کے موقع پر مکہ مکرمہ میں بم دھماکا کرانا چاہتے تھے۔

مقبوضہ مغربی کنارے کے شہر الخلیل کے جنوبی قصبے ‘یطا’ میں مقامی رہائشیوں نے اسرائیل کی جانب سے اپنی زمین ہتھیائے جانے کے خدشات کے پیش نظر کئے جانے والے ہفتہ وار پرامن احتجاج کو تشدد آمیز کارروائی کے ذریعے منتشر کر دیا۔

پاکستان کے اہم تجارتی مرکز کراچی شہر میں جمعے اور ہفتے کو فائرنگ اور اغوا کے بعد قتل کر کے لاشیں پھینکنے کے واقعات میں سنی تحریک اور اہلسنت و الجماعت کے کارکنان اور 2 پولیس اہلکاروں سمیت 17افراد جاں بحق جبکہ خاتون سمیت متعدد افراد زخمی ہوگئے۔

ترک وزیرخارجہ احمد داؤد اوغلو نے کہا ہے کہ شامی حکومت کی اپنے ہی شہریوں پر بمباری کو جنگی جرم قرار دیا جائے۔انھوں نے امدادی اداروں کو شام میں خانہ جنگی سے متاثرہ شہریوں تک زیادہ رسائی دینے کا مطالبہ کیا ہے۔

عراق کے شمالی قصبے طوزخرماتو میں اہل تشیع کی ایک مسجد میں خودکش بم دھماکے کے نتیجے میں پینتیس افراد ہلاک اور ستر سے زیادہ زخمی ہوگئے ہیں۔

مصر کے مغربی شہر مرسیٰ متروح میں پولیس اور اسمگلروں کے رشتہ داروں کے درمیان جھڑپوں میں46  افراد زخمی ہوگئے۔

شام کے دارالحکومت دمشق کے نواح میں صدر بشار الاسد کی وفادار فوج نے باغیوں کے ٹھکانوں پر فضائی حملے کیے ہیں اور ٹینکوں سے گولہ باری کی ہے جبکہ فلسطینی مہاجرین کے کیمپ میں شامی صدر کے حامیوں اور مخالفین میں جھڑپوں کی اطلاعات ملی ہیں۔