پاکستان میں حکومت اور طالبان کے درمیان بالواسطہ طور پر مذاکراتی عمل آگے بڑھانے پر وزیراعظم نے دونوں جانب کی کمیٹیوں کی تعریف کرتے ہوئے زور دیا ہے کہ کوشش کریں کہ آپریشن کی نوبت نہ آئے۔

سابق فوجی صدر پرویز مشرف کے خلاف غداری کے مقدمے کی سماعت کرنے والی خصوصی عدالت نے کہا ہے کہ حالات جیسے بھی ہوں ملزم کو 11 مارچ کو عدالت میں پیش ہونا پڑے گا اور اُس دن اُن پر فرد جُرم عائد کی جائے گی۔

پاکستان کے شمال مغربی علاقے میں نامعلوم مسلح افراد نے افغانستان میں نیٹو فوج کے لیے سامان رسد لے جانے والے ٹرکوں پر فائرنگ کر دی ہے جس کے نتیجے میں دو افراد ہلاک اور دو زخمی ہو گئے ہیں۔

پاکستان کے دارالحکومت اسلام آباد میں سوموار کو ضلع کچہری پر ہونے والے حملے کی ذمہ داری احرار الہند نامی ایک غیر معروف شدت پسند گروپ نے قبول کر لی ہے اور کہا ہے کہ وہ شریعت کے نفاذ تک اپنی کارروائیاں جاری رکھیں گے۔

کالعدم تحریکِ طالبان پاکستان نے اعلان کیا ہے کہ وہ ملک کے اکابرین، علماء کرام کی اپیل، طالبان کمیٹی کے احترام اور اسلام اور ملک کے مفاد میں ایک مہینے کے لیے جنگ بندی کا اعلان کرتے ہیں۔

پاکستان کے شورش زدہ صوبے بلوچستان کے لاپتہ افراد کی بازیابی کے لیے کوئٹہ سے اسلام آباد تک لانگ مارچ کے شرکا تقریباً 2500 کلومیٹر کا سفر پیدل طے کرنے کے بعد جمعے کو وفاقی دارالحکومت پہنچ گئے ہیں۔

کراچی کے علاقے ابوالحسن اصفہانی روڈ پر فائرنگ سے مدرسے کے مہتمم اور ان کا بیٹا جاں بحق جبکہ ایک راہ گیر زخمی ہوگیا۔

شمالی وزیرستان کے صدر مقام میرانشاہ کے علاقے درگاہ منڈی کے قریب گاڑی پر نامعلوم افراد کی فائرنگ سے کالعدم تحریک طالبان پاکستان کے کمانڈر عصمت اﷲ شاہین بیٹنی تین ساتھیوں سمیت جاں بحق ہو گئے۔

پاکستان کے سکیورٹی ذرائع کے مطابق منگل کی صبح پاکستانی فضائیہ کے جیٹ طیاروں نے وزیرستان ایجنسی میں تین علاقوں پر بمباری کی جس میں ’تیس عسکریت پسند جاں بحق جبکہ عسکریت پسندوں کے کئی ٹھکانے‘ تباہ ہوئے ہیں۔

طالبان رابطہ کمیٹی کے سربراہ مولانا سمیع الحق نے کہا ہے کہ حکومت فوری طور پر جنگ بندی کیلئے تحریری ضمانت دے۔ طالبان کی سیاسی شوریٰ سے جنگ بندی کی تحریری ضمانت لے لوں گا۔