شام میں القاعدہ کی ذیلی تنظیم النصرہ فرنٹ نے شورش زدہ شہرحلب میں بشارالاسد کے حامیوں کا گڑھ سمجھے جانے والے شمالی قصبے الزھراء اور اہم فوجی ٹھکانے کی طرف پیش قدمی شروع کی ہے۔

ترکی کی سرحد کے ساتھ شامی قصبے کوبانی میں پھر سے شدید لڑائی شروع ہو گئی ہے جہاں پر کرد سکیورٹی فورسز سے ستمبر سے دولت اسلامیہ کے جنگجوؤں کے خلاف برسرِ پیکار ہے۔

فلسطین میں ان دنوں کشیدگی کا مرکز بنے بیت المقدس شہر میں فلسطینی مظاہرین اور صہیونی پولیس کے درمیان تازہ جھڑپوں کی اطلاعات ہیں۔ صہیونی فوج کی جانب سے طاقت کے وحشیانہ استعمال کے نتیجے میں متعدد فلسطینی زخمی ہوگئے ہیں۔

شام کے دارالحکومت دمشق سے متصل مشرقی الغوطہ شہر میں محفوظ مقام کی طرف فرار کی کوشش کرنے والے کم سے کم ایک سو خاندانوں کے مرد اور خواتین کو حراست میں لے لیا ہے۔

مسجد اقصیٰ کے ڈائریکٹر الشیخ عمر الکسوانی نے کہا ہے کہ جب تک نہتے فلسطینیوں کے خلاف صہیونی ریاست کی منظم ریاستی دہشت گردی اور نسلی تعصب پر مبنی پالیسی ختم نہیں ہوگی بیت المقدس میں امن قائم نہیں ہوسکتا۔

اسرائیل سے متصل جنوبی شام کے علاقے وادی گولان میں شامی فوج کے آخری مرکز پر القاعدہ کی ذیلی تنظیم النصرہ فرنٹ اور دیگر گروپوں نے ایک بڑا حملہ کیا۔

عراق کے مغربی صوبے الانبار کے دارالحکومت رمادی میں دولت اسلامیہ (داعش) کے جنگجوؤں اور سرکاری سکیورٹی فورسز کے درمیان لڑائی کی اطلاعات ملی ہیں اور ایک جھڑپ میں بارہ جنگجو ہلاک ہوگئے ہیں۔

مسلم اسکالروں کی عالمی یونین اور اس کے چئیرمین علامہ یوسف القرضاوی نے متحدہ عرب امارات کی جانب سے اپنی یونین کو دہشت گرد قرار دیے جانے پر حیرت کا اظہار کیا ہے اور اس اقدام کو مسترد کردیا ہے۔

مصر نے جزیرہ نما سیناء اور غزہ کی پٹی کے درمیان واقع سرحدی علاقے میں زیرزمین لمبی سرنگوں کی دریافت کے بعد سکیورٹی بفرزون کی گہرائی کو ایک کلومیٹر تک چوڑا کرنے کا فیصلہ کیا ہے۔

اسرائیل نے کہا ہے کہ وہ مہینوں کی پابندی کے بعد بیت المقدس (یروشلم) کے مقدس مقام حرم الشریف جانے کے لیے تمام عمر کے مردوں کو اجازت دے گا۔