آج : 27 October , 2019

تہران یونیورسٹی میں کشمیریوں سے اظہار یکجہتی کے لیے سیمینار

تہران یونیورسٹی میں کشمیریوں سے اظہار یکجہتی کے لیے سیمینار

تہران یونی ورسٹی میں کشمیر کے عوام سے یک جہتی کا اظہار کیا گیا۔
پاکستانی سفارت خانے کے اشترا ک سے تہران یونی ورسٹی کے اردو ڈیپارٹمنٹ میں خصوصی سیمینار کا انعقاد کیا گیا، شرکاء نے مقبوضہ کشمیر میں انسانی حقوق کی خلاف ورزیوں پر تشویش کا اظہار کیا۔
مقبوضہ کشمیر میں بھارتی مظالم پر انسانی حقوق کی تنظیموں اور مسلم ملکوں کی خاموشی کی بھی مذمت کی گئی ۔
ایران میں پاکستانی سفیر رفعت مسعود نے سیمینار میں کہا کہ پاکستانی وزیراعظم نے کشمیر کا مسئلہ اقوام متحدہ میں اٹھایا ، مودی کی جانب سے کشمیر کی خصوصی حیثیت ختم کرنے سے “کشمیریت” کو خطرہ لاحق ہوگیا ہے ۔
پاکستانی سفیر نے طالب علموں ، اسکالروں اور ماہرین تعلیم پر زور دیا کہ وہ کشمیر کا مسئلہ اجاگر کریں۔
سیمینار میں ایرانی طالب علموں نے کشمیریوں کی جدوجہد کو خراج تحسین پیش کیا اور اقوام متحدہ پر زوردیا کہ وہ کشمیر کا تنازع حل کرانے میں اپنا کردار ادا کریں۔


آپ کی رائے

Leave a Reply

Your email address will not be published. Required fields are marked *

مزید دیکهیں