آج : 13 January , 2010

میاں چنوں: ٹرین اسکول وین سے ٹکرا گئی،11بچے اور ڈرائیور جاں بحق

میاں چنوں: ٹرین اسکول وین سے ٹکرا گئی،11بچے اور ڈرائیور جاں بحق
takkarمیاں چنوں(خبررساں ادارے): موسیٰ ورک کے قریب ریلوے پھاٹک پر کوئٹہ سے آنے والی جعفر ایکسپریس اسکول وین سے ٹکرا گئی جس کے نتیجے میں وین ڈرائیور اور 11بچے جاں بحق ہو گئے۔

علاقے سے رکن قومی اسمبلی اسلم بودلہ نے “جیو نیوز” کو بتایا کہ 11بچے شہید ہو گئے ہیں جبکہ 8زخمی ہیں جنہیں تحصیل ہیڈ کوارٹرز اسپتال میں امداد دی جارہی ہے۔ قبل ازیں ایس ایچ او تھانہ صدر میاں فاروق نے جیو نیوز سے گفتگو کرتے ہوئے بتایا تھا کہ نجی اسکول کی وین 20بچوں کے لے کر صبح سوا آٹھ بجے ریلوے پھاٹک سے گذر رہی تھی جب دھند کی وجہ سے جعفر ایکسپریس اس سے ٹکر ا گئی۔ رکن قومی اسمبلی اسلم بودلہ کے مطابق علاقے میں3ایسی جگہیں ہیں جہاں باقاعدہ ریلوے پھاٹک نہیں ہیں جبکہ اس سلسلے میں تحریری طور پر گذارشات متعدد بار متعلقہ حکام کے گوش گذار کی جا چکی ہیں۔ عینی شاہدین کے مطابق جائے حادثہ کی جگہ پر پہلے بھی حادثات ہوتے رہے ہیں ابتدائی طور پر حادثے کے نتیجے میں5بچے اور ڈرائیور موقع پر جاں بحق ہو گئے جبکہ بعد ازاں 6بچوں نے زخموں کی تاب نہ لا کر اسپتال میں دم توڑ دیا۔ ایس ایچ او میاں فاروق کے مطابق جاں بحق ہونے والے بچوں کی عمریں8سے10سال ہیں اور انہیں تحصیل ہیڈ کوارٹرز اسپتال میں طبی امداد دی جارہی ہے۔

آپ کی رائے

Leave a Reply

Your email address will not be published. Required fields are marked *

مزید دیکهیں