شام میں باغیوں کے زیر قبضہ اور فوج کے محاصرے کا شکار علاقے مشرقی الغوطہ میں جنگ بندی کے لیے کوششوں کے باوجود دو قصبوں پر اسدی فوج یا روسی طیاروں نے فضائی حملے کیے ہیں جن کے نتیجے میں ایک زیر زمین محفوظ پناہ گاہ میں موجود سینتیس افراد ہلاک ہوگئے ہیں۔

افغانستان کے صوبے ہلمند میں کھیل کے میدان کے باہر کار بم دھماکے کے نتیجے میں 13 افراد ہلاک اور 40 زخمی ہوگئے۔

ترکی کے صدر رجب طیب ایردوآن نے اعلان کیا ہے کہ ان کی فوج نے شام کے شہر عفرین پر مکمل کنٹرول حاصل کر کے وہاں ترکی کا پرچم بھی لہرا دیا ہے۔

مقبوضہ بیت المقدس میں اسرائیلی فوج کی پرامن فلسطینی مظاہرین پر وحشیانہ فائرنگ،آنسوگیس کی شیلنگ اوردھاتی گولیوں کے استعمال کے نتیجے میں 38 فلسطینی شہری زخمی ہوگئے جبکہ غزہ کی پٹی میں اسرائیلی فوج کے توپ خانے سے شدید گولہ باری کے نتیجے میں کئی مکانات تباہ اور متعدد مویشی ہلاک ہو گئے۔

افغانستان کے دارالحکومت کابل میں خودکش دھماکے کے باعث تین افراد ہلاک اور کئی زخمی ہو گئے۔

شام کے علاقے مشرقی غوطہ میں دو ہفتوں سے جاری حکومتی بمباری میں جاں بحق ہونے والوں کی تعداد ایک ہزار سے تجاوز کر گئی ہے جب کہ 4 ہزار سے زائد افراد زخمی ہیں۔

فلسطین کے علاقے باب الزاویہ میں غاصب اسرائیلی فوج کے ہاتھوں ایک فلسطینی نوجوان شہید اور66 زخمی ہو گئے۔

شام کے علاقے مشرقی غوطہ میں انسانی حقوق کی خلاف ورزیاں جاری ہیں اور شامی مبصرین کا کہنا ہے کہ حکومت کی جانب سے گزشتہ شب سے کی جانے والی بمباری میں مزید 70 افراد جاں بحق ہوگئے جس کے بعد 16 روز میں جاں بحق ہونے والوں کی تعداد 700سے تجاوز کر گئی۔

روس کا ایک طیارہ شام میں گر کرتباہ ہونے کے نتیجے میں 39 افراد ہلاک ہوگئے۔

اقوام متحدہ نے کہا ہے کہ جنگ زدہ شام کے نواحی علاقے غوطہ میں مسلسل بمباری کے بعد پیدا ہونے والی صورت حال ’ناقابل قبول‘ ہے۔