کابل کی مسجد میں دھماکا، 11 افراد جاں بحق

کابل کی مسجد میں دھماکا، 11 افراد جاں بحق

افغانستان کے دارالحکومت کابل کی ایک مسجد میں بم دھماکے سے 11 افراد جاں بحق جبکہ ایک درجن سے زائد زخمی ہوگئے۔
رائٹرز کے مطابق افغانستان کے مختلف مقامات پر ایک ہی دن میں متعدد بم دھماکوں میں 20 افراد جاں بحق جبکہ درجنوں افراد زخمی ہوچکے ہیں۔
ایک مقامی اسپتال کی انتظامیہ نے بتایا کہ کابل کی مسجد میں دھماکے سے جاں بحق ہونے والوں کی اب تک پانچ لاشیں موصول ہوئی ہیں اور ایک درجن سے زائد زخمیوں کو لایا گیا ہے۔
دوسری جانب طالبان کے ایک عہدیدار نے نام ظاہر نہ کرنے کی شرط پر بتایا کہ دھماکا خیز مواد مسجد کے منبر کے اندر رکھا گیا جس کے پھٹنے سے 11 افراد جاں بحق ہوئے۔
اسی طرح شمالی صوبہ بلخ میں تین دھماکے ہوئے جس میں 9 افراد جاں بحق اور پندرہ زخمی ہوئے۔
تاہم دھماکوں کی ذمہ داری تاحال ابھی تک کسی نے قبول نہیں کی ہے۔


آپ کی رائے

Leave a Reply

Your email address will not be published. Required fields are marked *

مزید دیکهیں