آج : 18 October , 2017

محکمہ پولیس عوام کی رضامندی حاصل کرنے کی کوشش کرے

محکمہ پولیس عوام کی رضامندی حاصل کرنے کی کوشش کرے

شیخ الاسلام مولانا عبدالحمید نے چھ اکتوبر دوہزار سترہ کو زاہدان میں خطاب کرتے ہوئے پولیس حکام سے مطالبہ کیا عوام کے ساتھ رہ کر ان کی رضامندی حاصل کرنے کی کوشش کریں۔
سنی آن لائن نے خطیب اہل سنت زاہدان کی آفیشل ویب سائٹ کے حوالے سے رپورٹ دی، مولانا عبدالحمید نے زاہدان پولیس چیف کو نماز جمعہ کے اجتماع میں خوش آمدید کہتے ہوئے ہفتہ پولیس کو مبارکباد دی۔
انہوں نے کہا: پولیس کی خدمات پر ان کا شکریہ ادا کرتے ہیں۔ امن اور سکون کی حفاظت محکمہ پولیس کی ذمہ داری ہے جو ایک عوامی ادارہ ہے اور امن قائم کرنے میں اس ادارے کا کردار انتہائی اہم ہے۔
صدر دارالعلوم زاہدان نے مزید کہا: پولیس حکام اور اہلکاروں کو ہماری تجویز یہی ہے کہ عوام کے ساتھ رہیں اور ان کی رضامندی حاصل کرنے کے لیے محنت کریں۔ اس حوالے سے جتنی زیادہ محنت کریں، اتنا ہی زیادہ کامیاب ہوجائیں گے۔
انہوں نے کہا: پولیس حکام کو یقین ہونا چاہیے کہ عوام ان کے ساتھ ہیں۔ عوام کی خوشی اور رضامندی حاصل کرنے سے اللہ تعالی کی رضامندی حاصل ہوتی ہے۔ اللہ تعالی جب ہم سے راضی ہو، کوئی بھی دشمن ہمیں کوئی نقصان نہیں پہنچاسکتا مگر جو اللہ کی مرضی ہو۔
خطیب اہل سنت زاہدان نے مزید کہا: ہر کام میں سب سے بڑی توفیق تقویٰ و رپرہیزگاری ہے۔ ہمارا اور پولیس کا توشہ ’تقویٰ‘ ہونا چاہیے۔
مولانا عبدالحمید نے پولیس میں نئی بھرتیوں اور ملازمتوں کی تقسیم کی جانب اشارہ کرتے ہوئے کہا: جو افراد نئی اعلان شدہ بھرتیوں کی شرائط پوری کرسکتے ہیں، ضرور اس موقع سے فائدہ اٹھائیں۔ نئی بھرتیاں اور اہل سنت کی مرکزی نماز جمعہ میں اس کا اعلان اس بات کی نشانی ہے کہ مرشد اعلی کا تازہ ترین حکم پولیس کے لیے کتنا اہم ہے اور امتیازی سلوک کے خاتمے کے لیے پولیس کتنا پرعزم ہے۔
انہوںنے کہا: ہم ملک کا امن اس وقت حفاظت کرسکتے ہیں جب تمام قومیتوں اور مسالک کو اپنے ساتھ رکھیں۔

 


آپ کی رائے

Leave a Reply

Your email address will not be published. Required fields are marked *

مزید دیکهیں