ارومیہ (سنی آن لائن + ویب ڈیسک) ایران کے صوبہ آذربائیجان غربی سے تعلق رکھنے والے سنی عالم دین کو چھ ماہ قید کی سزا پانے کے بعد عدالت سے جیل بھیج دیے گئے۔
مقامی ذرائع کے مطابق، ماموستا رضا عبدی کو تبریز کی خصوصی عدالت برائے علما میں بلاکر بدھ اکیس دسمبر کو قید کی سزا سنائی گئی۔ علاوہ ازایں انہیں دو سال تک جلاوطنی کا حکم بھی سنایا گیا۔
ماموستا عبدی کو گزشتہ سال ارومیہ کے اسلام آباد ٹاون کی قدس مسجد کی امامت کے عہدے سے فارغ کردیا گیا۔ موصوف ارومیہ شہر میں واقع صلاح الدین ایوبی مدرسہ کے استاذ بھی ہیں۔
صوبہ آذربائیجان غربی میں اہل سنت کی کافی تعداد آباد ہے۔ صوبے کے صدرمقام ارومیہ میں نصف آبادی اہل سنت کی ہے۔
آج : 28 December , 2016
آپ کی رائے