امریکا، لیبیا سے انس اللیبی کی گرفتاری کا بدلہ لیں گے، القاعدہ

امریکا، لیبیا سے انس اللیبی کی گرفتاری کا بدلہ لیں گے، القاعدہ

القاعدہ کی لیبیا شاخ نے انس اللیبی کی گرفتاری کی شدید مذمت کرتے ہوئے دھمکی دی ہے کہ وہ دوروز قبل دارلحکومت طرابلس میں ایف بی آئی کومطلوب انس اللیبی کی گرفتاری عمل میں لانے پرامریکی شہریوں کے اغواکے ساتھ ساتھ گیس پائپ لائن اڑانے اور ہوائی وبحری جہازوں پرحملے کریں گے۔

غیر ملکی خبرایجنسی کے مطابق القاعدہ کی لیبیا شاخ نے گزشتہ روزایک بیان میں کہا کہ لیبیاکے باشندے دارالحکومت کے داخلی وخارجی راستے بند کردیں اور امریکا اور اس کے اتحادی ممالک کے باشندوں کو اغوا کریں تاکہ ان کے بدلے اللیبی کو رہا کروایا جاسکے۔
بیان میں عوام سے اپیل کی گئی کہ وہ یورپ کوبرآمدکی جانے والی گیس کی پائپ لائن بھی تباہ کردیں اوربحری و ہوائی جہازوں پرحملے کریں۔ بیان کے مطابق لیبیا کو اللیبی کی گرفتاری کاعلم پہلے سے تھا،یہ شرمناک فعل لیبی حکومت کومہنگا پڑیگا۔

ایکسپریس نیوز

 

 

 


آپ کی رائے

Leave a Reply

Your email address will not be published. Required fields are marked *

مزید دیکهیں