افغانستان کے دارالحکومت کابل میں ایک سویلین مال بردار طیارہ گرنے کے نتیجے میں 7افراد ہلاک ہوگئے ہیں۔
ناٹو ترجمان کے مطابق کارگو طیارہ کابل کے قریب بگرام فضائی اڈے سے ٹیک آف کے تھوڑی دیر بعد ہی گر کر تباہ ہوگیا۔
ناٹو ترجمان کا کہنا تھا کہ طیارہ گر کر تباہ ہونے کے نتیجے میں جہاز میں سوار عملے کے ساتوں افراد ہلاک ہوگئے۔
ناٹو کی جانب سے حادثے میں ہلاک ہونے والوں کے بارے میں معلومات فراہم نہیں کی گئیں۔
ادھر طالبان نے دعویٰ کیا ہے کہ امریکی کارگو طیارے کو انہوں نے مار گرایا ہے تاہم ناٹو نے طالبان کا دعویٰ مسترد کرتے ہوئے کہا ہے کہ جہاز تیکنیکی خرابی کی وجہ سے گر کر تباہ ہوا۔
ناٹو ترجمان کا مزید کہنا تھا کہ جس علاقے میں کارگو جہاز گرا ہے وہاں شدت پسند موجود نہیں ہیں اور فورسز کا مکمل کنٹرول ہے۔
دی نیوز ٹرائب
آپ کی رائے