لندن(مانیٹرنگ ڈیسک) برطانیہ میں دہشت گردی کی منصوبہ بندی کے شبہ میں 12 افراد کو حراست میں لے لیا گیا ۔ پولیس کے مطابق 3 افراد کو لندن،5 افراد کو کارڈف اور 4 کو وسطی انگلینڈ میں اسٹوک آن ٹرینٹ سے گرفتار کیا گیا۔ گرفتار افرادکی عمریں 17 سے 28 سال کے درمیان ہیں۔
پولیس کا کہنا ہے کہ گرفتاریاں خفیہ اطلاع پر باقاعدہ منصوبہ بندی کے تحت کی گئی ہیں ۔فوری طور پر گرفتار کیے گئے افراد کی قومیت نہیں بتائی گئی ۔
برطانیہ میں انسدادِ دہشتگردی یونٹ کے سربراہ اسسٹنٹ کمشنر پولیس جان یٹس نے پیر کو ذرائع ابلاغ کو بتایا کہ یہ گرفتاریاں ایک بڑے پیمانے پر ہونے والے آپریشن کے نتیجے میں عمل میں آئیں جس میں کئی شہروں کی پولیس نے حصہ لیا۔ان افراد کو پیر کی صبح ان کے گھروں اور ان کے قریب واقع مقامات سے گرفتار کیا گیا ہے۔
اسسٹنٹ کمشنر پولیس جان یٹس کے مطابق یہ گرفتاریاں کی عوام کے جان ومال کے تحفظ کیلئے ضروری تھیں۔ انہوں نے کہا کہ حراست میں لیے جانے والے افراد سے دہشتگردی کی کارروائیوں کی منصوبہ بندی کے الزام کے تحت تفتیش کی جائے گی تاہم انہوں نے دہشتگردی کے اس منصوبے کے بارے میں بتانے سے انکار کر دیا ۔
برطانوی پولیس کے مطابق اس وقت گرفتار شدہ افراد کی رہائش گاہوں کے علاوہ لندن اور برمنگھم میں 2 گھروں کی تلاشی کا عمل جاری ہے۔
برطانیہ میں انسدادِ دہشتگردی یونٹ کے سربراہ اسسٹنٹ کمشنر پولیس جان یٹس نے پیر کو ذرائع ابلاغ کو بتایا کہ یہ گرفتاریاں ایک بڑے پیمانے پر ہونے والے آپریشن کے نتیجے میں عمل میں آئیں جس میں کئی شہروں کی پولیس نے حصہ لیا۔ان افراد کو پیر کی صبح ان کے گھروں اور ان کے قریب واقع مقامات سے گرفتار کیا گیا ہے۔
اسسٹنٹ کمشنر پولیس جان یٹس کے مطابق یہ گرفتاریاں کی عوام کے جان ومال کے تحفظ کیلئے ضروری تھیں۔ انہوں نے کہا کہ حراست میں لیے جانے والے افراد سے دہشتگردی کی کارروائیوں کی منصوبہ بندی کے الزام کے تحت تفتیش کی جائے گی تاہم انہوں نے دہشتگردی کے اس منصوبے کے بارے میں بتانے سے انکار کر دیا ۔
برطانوی پولیس کے مطابق اس وقت گرفتار شدہ افراد کی رہائش گاہوں کے علاوہ لندن اور برمنگھم میں 2 گھروں کی تلاشی کا عمل جاری ہے۔
آپ کی رائے