لندن میں قائم انسانی حقوق کی ایک آبزرویٹری کے مطابق شمالی حلب میں اپوزیشن کے زیر کنڑول علاقوں پر شام کے جنگی طیاروں نے دھماکا خیز مواد سے بھرے بیرل بم برسائے ہیں، جس کے نتیجے میں کم سے کم 42 شہری ہلاک ہونے کی اطلاع ہے۔

سپریم کورٹ کی جانب سے جاری کیے گئے ایک بیان میں کہا گیا ہے کہ چیف جسٹس تصدق حسین جیلانی نے بلوچستان کے ضلع خضدار سے اجتماعی قبر سے 13 مسخ شدہ لاشوں کی برآمدگی پر از خود نوٹس لیا ہے۔

شام کے معاملے پر اقوامِ متحدہ کے خصوصی ایلچی اخضر براہیمی نے کہا ہے کہ ان کے خیال میں اگرچہ حالیہ مذاکرات میں پیش رفت انتہائی سست ہے تاہم ان مذاکرات میں ایسی باتیں سامنے آئی ہیں جن کو بنیاد بنا کر دونوں فریقین معاملے کے حل کی جانب بڑھ سکتے ہیں۔

بنگلہ دیش کی عدالت نے اسلحہ سمگلنگ کیس میں جماعت اسلامی کے رہنما مطیع الرحمن نظامی سمیت 14 افراد کو سزائے موت سنا دی۔ خیبر ایجنسی کے مطابق اسلحہ سمگلنگ کیس دس سال پرانا ہے۔

یمن کے جنوب مشرقی صوبے حضرموت میں القاعدہ کے مشتبہ جنگجوؤں نے ایک چیک پوائنٹ پر حملہ کر کے پندرہ فوجیوں کو ہلاک کر دیا ہے۔

اقوام متحدہ اور عرب لیگ کے خصوصی ایلچی برائے شام الاخضرالابراہیمی نے کہا ہےکہ جنیوا میں منگل کو متحارب شامی فریقوں کے درمیان مذاکرات کے دوران کوئی نمایاں پیش رفت نہیں ہوئی ہے۔

مصر کے سرکاری خبر رساں ادارے کے مطابق معزول صدر محمد مرسی دارالحکومت قاہرہ میں ایک عدالت میں پیش ہوئے ہیں جہاں ان پر 2011 میں جیل توڑنے میں ملوث ہونے کے الزام میں مقدمہ چلایا جائے گا۔

افغان حکومت نے فیصلہ کیا ہے  کہ وہ بے گناہ ثابت ہونے والے 37 مبینہ طالبان قیدیوں کو آئندہ 2 ہفتوں میں رہا کر دے گی۔

شام کے لیے اقوام متحدہ کے خصوصی ایلچی اخضر براہیمی نے کہا ہے کہ حمص شہر میں پھنسے خواتین اور بچوں کو وہاں سے محفوظ نکلنے کی اجازت دینے کے لیے شامی حکومت رضامند ہو گئی ہے۔

پاکستان کی حکمراں جماعت مسلم لیگ نون کے پارلیمانی اراکین کے اجلاس میں آج کالعدم تنظیم تحریکِ طالبان پاکستان کے ساتھ مذاکرات کے حوالے سے لائحہِ عمل پر غور کیا جائے گا۔