مروچی :دوشنبه, ۱۴ آذر , ۱۴۰۱

مولانا عبدالصمد سربازی ءُ مولانا خیرمحمد ندوی ءِ بےجۆڑه ئێں کار گۆں «تفسیر عثمانی» ءِ بلوچی ئێں رجانک ءَ

مولانا عبدالصمد سربازی ءُ مولانا خیرمحمد ندوی ءِ بےجۆڑه ئێں کار گۆں «تفسیر عثمانی» ءِ بلوچی ئێں رجانک ءَ

▪️شیخ‌الهند مولانا محمودحسن عثمانی دیوبندی ءُ مولانا شبیراحمد عثمانی ئِے قرآن ءِ ترجمه ءُ تفسیر «مُوضِحُ الفرقان» که ماں اردو ءَ «تفسیر عثمانی» گوشگ بیت، به وڑ وڑێں لبزاں چۆ بلوچی، پارسی دری (تفسیر کابلی) ءُ پشتو ءَ رجانک ءُ شنگ بوتگ.

▪️ میر یاراحمدخان، بلوچستان ءِ کلات ءِ حاکم ءَ (وت‌مسترێں حکومت ءِ که تاں سال 1948م. ءَ ماں رۆدراتکی بلوچستان ءِ گێشتریں سرڈگاراں حکومتے کرت) شه مولانا قاضی عبدالصمد سربازی، کلات حکومت ءِ قاضی‌القضاة ءُ حکومت ءِ شورا ءِ باسک ءَ لۆٹ ات که آیرا رجانک کنت. قاضی عبدالصمد ماں سال 1936م. ءَ اے کار ءَ بنگیج کرت که ماں پنچ سال ءِ دراجی ءَ 19 جزء ءِ رجانک ءُ یک جزء ءِ تفسیر ءَ هلاس ئِے کرت، بلێں حکومتی ءُ قضاوتی دزگٹیاں سبب بوت انت که کار بۆشت ایت.

پد شه مولانا سربازی ءِ وفات ءَ ماں سال ۱۹۷۵م. ءَ اے کارے دێم ءَ برگ ءِ اگده مولانا خیرمحمد ندوی، یکے شه بلوچانی نامءُتواری ءُ علمی ءُ لبزانکی پاگواجهاں که به بابای بلوچی ءَ نام‌پُرشت ات، دیگ بوت. آ واجه ءَ یازده جزء شه ترجمه ءُ بیستءُنه جزء شه تفسیر ءَ را رجانک کرت.

▪️ اے ترجمه ءُ تفسیر ماں 943 تاک ءَ گۆں قطع رحلی ءَ ءُ مولانا احتشام‌الحق آسیاآبادی ءُ مولانا عبدالصمد جمال‌زائی ءِ پێشگال ءَ شه الجمعیة المرکزیة للدعوة الإسلامیة پنجگور ءُ أنصار السنة المحمدیة ءِ نێمگ ءَ ماں رۆدراتکی بلوچستان ءِ تربت ءَ شنگ بوتگ.


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *