مروچی : 1 آبان , 1394

واجه مولانا رحیم بخش بلوچ زهی نمیران بوت

واجه مولانا رحیم بخش بلوچ زهی نمیران بوت

واجه بلوچ زئی آسپیچ سراوانءِ نندوک ومزنین زانتکار ءُ دینی ءُ عربی ءُ فارسی کاواسی ات.
واجہ مولانا رحیم بخش ماں سال 1325 هـ. شءَ ماں سروانءَ چم دنیاءَ پاچ کت انت. واجهءِ پت ملاحسن، وتی زمانگءِ یکے چہ نیک و صالحیں مردمان اَت.
واجه بلوچ زئیءَ وتی وانگ و زانگءَ ماﮞ دارالعلوم زنگیان سراوان بُنگیج کرت، و په جوانی، محنت ءُ کوشست درس ونت، واجهءِ پیشگءَ علم و زانت مان ات و آئی پس و پیرُک زانوک بوتگ انت .
واجہ مولانا رحیم بخشءَ وتی بنگیجی درس، ماں دارالعلوم زنگیانءِ سراوانءَ مولاناعبدالعزیز ساداتی و مولانا عبدالکریم سعیدیءِ محضرءَ چهار سالءَ وانت اَنت و در بُرت اَنت.
واجہ بلوچی زهی پہ گیشتر علم و زانتءِ بهر زورگءَ دیم پہ پاکستانءَ رهادگ بوت و دارالعلوم کراچیءَ نام نبیسیءِ کت و واجہ مولانا مفتی محمد شفیع عثمانی، مولانا مفتی محمد تقی عثمانی، مولانا سحبان محمود، مولانا عاشق الهی، مولانا شمس الحق و قاری هدایت اللهءِ گورءَ وانت اَنت و در برت اَنت.
واجه چه وتی همدرسان پیشا پیش ات، واجهءِ فهم و زانگ هم شَرّ ات. واجه ءِهمسروگ و بیلان هں باز محنتی و زحمتکشءِ تنت واجهءِ سنگت و ساری چه سوران و سراوانءَ واجه مولانا محمد اسحاق مدنی، واجه مولانا محمد حسن بجارزئی ،خدامرزی واجه مولانا عبدالغفور لشکرزئی، مولانا عبدالصمد ساداتی و چه سربازءَ واجه مولانا نذیر احمد سلامیءِ تنت.
رند چه وانگءِ هلاسی وتی ملک ءُ میتگ بر ترّ اِت و سراوانی اسکول و کالجانی توکا معلم و ٹیچر و دارالعلوم زنگیانی استاذ بوت.
واجه روچ په روچ گوں درس وتعلیم دیما روان ءُ پیران سریءَ سراوانءِ دانشگاهءِ استاد بوت. مزنین دانشجوءُ اسٹوڈنس چه جَن ءُ مرد، واجهی شاگرد بوت انت.
واجہ روچ جمعه( 2 محرم 1437_ 16 اکتوبر2015) مردمانءَ پند و نماز دات و شامی نماز ءَ ونت و گون یک دیوانی بهر زرت و تا دیر بلوچ قومءِ وش دلی ءُ وشنامی بابتءَ گپءُ گال کرت.
واجه جان دُراه ات، بلے مرگءُ میرءِ دیمءَ بید چه خدا کسے داشت نکنت،الله تعالیءَ آئی سلامتی حالتءَ یک شپ وهدے ( 2 محرم 1437_ 16 اکتوبر2015) وتی نیمگءَ برت.
واجهءِ نماز جنازه ءَروچ شنبه ساهت یک، گوں مزنیں مُچی یے پہ مولانا شیخ الحدیث محمد یوسف حسن پورءِ پیشنمازیءَ وانینگ بوت. پیش چه نماز جنازهءَ واجه شیخ الاسلامءِ نماینده واجه هاشم زئی، واجه بزرگ زاده، واجه سپاهی ءُ واجه سیدزاده رست و سر بوت اند.
پیش چه جنازهءِ نمازءَ مولانا نذیراحمد سلامی کمّے گپ و تران کرتءُ وتی دوستی و همراهیءَ گون مرحوم ءَدرشان کرت و حاجی ملا ملک محمد ملازهی هم چه واجهءِ موت باز پہ درد ات چیا که واجه حاجی خدا مرزیءِ خاصین شاگرد انت، حاجی درشانت: چون وش ات که مروچی منی جنازهءَ مرحوم بوانینتین.
واجه حاجی ملا ملک محمد دینی و دنیائی درس وتعلیم ونتگ وسوران و سراوانی کالجانءِ تها انگریزی لبزءِ استاد و ٹیچر بوتگ ءُ ای وهدی باز نشستءُریٹیر بلے دینی ومردمی کارانی توکا دیما دیم انت.
واجه باز سادگ ، متواضع وخاکی مردی ات، کسانی نانی سرا باز مهربان ات. زرّ و علم واجهءَ گنوک نکرت همُک دماں الله ءِ هزاران رحمت آئیءِ قبرءِ سرا بگوارنت. آمین.


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *