مروچی :سه شنبه, ۲۹ اسفند , ۱۴۰۲

واجه مولانا عبدالعزيز ملازاده

واجه مولانا عبدالعزيز ملازاده

مئے گلزمین بلوچستان چہ زمانگاں عالم و زانتکارانی جاگه بوتگ، بازیں عالم و زانتکارے ماں اے ملکءَ پہ مردمانی هدایت و رهشونیءَ کوشش کرتگ مه اے نبشتانکءَ یکے چہ بلوچستانءِ چمک داریں استال بزاں واجہ مولانا عبدالعزیز رحمه الله زندءِ حال شمے دیمءَ پیش کنگ بیت.
ولادت
واجه مولانا عبدالعزيز رحمة الله عليه مه سال 1295 هـ . ش مطابق گوں 1335 هـ . ق و 1916م مه روستاے دپكور سرباز پيداگ بوت. اے طفل و كودك مه يك علمي و ديني لوگ ءِ چم پَچ كرت و رُست و ڈلگ بوت.
واجه ءِ پت حضرت مولانا عبدالله رحمة الله عليه ملك و ميتگ ءِ كماش و مردم ءِ ديني و دنيائي رهبر و رهنماے ات و اے واجه مه تربيت و تعليم مولانا عبدالعزيز رحمة الله عليه باز زيات اثر هِشت.
مولانا و آئي ءِ هلْك و لوگ مه بلوچستانءِ جهل و ناداني ءِ ابر و جمبر ءَ يك گروگ ءِ ات و مه خرافات و بدعات‌ ءِ، سياه و تهارين شپان يك روشن و تابناكين ماهي ات.
اِے نور كم كم چه سربازے بُرز و سوچك سريں كوهاں گوست و به بلوچستان ءِ دگه شهر و كلگان رست، بلكه به اِے آسماں لهتے دگے مزں پليں استار دراهت ، مه سراواں مولانا شهداد رحمة الله عليه و حضرت عارف بالله مولانا سيد عبدالعزيز ساداتي و حضرت مولانا عبدالواحد سيد زاده و قصر قندے توكا گَردوكيں كتب خانه مولانا دادالرحمن قصر قندي رحمهم الله تعالي په مردم و ملت وراج اُلس ءِ راهشوني ظاهر بوت انت.
مولانا عبدالعزيز رحمة الله عليه ءَ دو مزنيں باسك و بازو مه سر باز گير اهت و آء حضرت مولانا تاج محمد و مولانا محمد عمر سربازي اتنت .
بلے هر تهاري ءِ رند روشني ، و رند چه نا اميدي مزنيں اميتے هست ، اِے آپ رندان چه سرمچارين مجاهد مولانا عبدالله سربازي ءِ علمي ، عرفاني ، فقهي چمگ سر گپتگ ءَ تنت و هرجا و هر كجا مردم سير آپءَ بوتنت .

تحصيلات و وانگ
حضرت مولانا چه كودكيءَ كه بهترين وقت په علم ءِ شوهاز و ياد گيري انت دانائي ءِ راه ءَ گپت چوش كه فارسي شاعرگوشيت.
برو دامن علم گير اســـتوار
كه علمت رساند بدارالقرار
مولانا په قرآن كريم ءِ وانگ و زانگ به روستاے مچّان پيش ملا عطا محمد سلامي رحمة الله عليه شت و ملا به اے باهوشين چُك كه چه آئي پيشانيگ هُژياري و دين داري ديست و زانت گڑا آئي ءِ گونا خاصين توجهے داشت.
مولانا عبدالعزیزءَ رندا مسايل زبان عرب و فقه چه وتي بزرگواريں پتءَ ياد گپت انت.
رندا كه مولانا چه علوم متوسط هلاس بوت په رندگيري بُرزتريں علم و زانت سرباز ءَ‌ يلاگ دات و پاكستاني راهي گپت و په اے تلاش و شوهاز مه آ وقت ءِ مزنتريں علمي جاه بنام « مظهر العلوم كهڈه كراچي » شُت و مه مختلفيں فن و رشته چه ماهرتريں استاد وا جهاني علومي سوب گپت و گوں تقوي و پرهيز گاري، مزينں علمي كٹ ات و دريافت كرت واجهے خدا دادي استعداد و آئے شپ و روچے تلاش سبب بوت كه باز ديما تر بروت و اے همت بلند و بالاد واجه ءَ به هندوستان مركز علوم حديث و فقه و فتوا كش كرت و برت و تا مد تے مه مدرسه فتح پوري هندوستان كمر همت ءَ بست و چه آ مدرسه‌ءِ ماهر و متخصصيں استاداني علم و ادب ياد گپت، بلے مولاناءِ تشنگي واجه‌ءَ به مادر علم، ادب و عرفان و آگهي ءِ چمگ ( دارالعلوم ديوبند ) سر كرت و مه كميں وهدے واجه مزنيں بهر و فيضے برت .
چونكه حضرت مولاناءِ مزاج فقهي ات هما وڑ كه گوشنت پاد همواداں روت كه دل‌ءَ كشيت واجه مه مفتي اعظم هند حضرت مولانا كفايت الله رحمة الله عليه ءِحلقه‌ءِ درسءَ نشت و مدرسه امينيه دهليءِ شاگرد بوت و تا فارغ التحصيلي همدا مانت.

تخصصي تحصيلات
حضرت مولانا عبدالعزيز ملازاده رحمة الله عليه رند چه فارغ التحصيلي په تخصصي درساں به كلاس مفسر قرآن ، عارف و صوفي باكشف و كرامت مجاهد و مبارز حضرت مولانا احمدعلي لاهوري شركت كرت و تفسير قرآن كريم چه « الحمد تا والناس » ونت همے وڑ مه شهر راولپنڈي به درس تفسير قرآن مولانا غلام الله شركت كرت و قرآنءِ معني و تفسير چه اول تا آخر ياد گپت مه علوم قرآني جوانين مهارت و تخصصي بدست ياورتز

تزكيه و دلءِ پاکی
عرفان و تصوف كه مه اصطلاح قرآن و حديث تزكيه و سلوك گوشگ بيت و اے فن شريف ءِ مركزي موضوع اصلاح باطن انت و په يك انسان عادي ءِ لازمي انت گڑا په يك عالم و رهبرے گيشتر ضروري انت كه در فكر اصلاح بيماري و نادراهي دل به بيت په همے خاطر حضرت مولانا مه راه سلوك قدم ايركرت و چه ماهرين شيوخ طريقت استفاده و فيضي برت و په اے مقصد واجه به افغانستان سفر كرت و گوں خليفه غوث محمد جان بيعت بوت و به ذكر و شغل و مراقبه مشغول بوت .
و به مصداق « جوينده يابنده » ، « من جَدَّ وَجَدَ » ، « هركس كِشيت رونت و مُشيت » .
واجه ءِ طلب و تلاش آيي ءَ به مركز عرفان و تصوف لاهور پاكستان ءَ مه حلقهءِ ذكرِ مفسر قرآن ، نتُرسيں مجاهد ، واعظ و خطيب ، صوفي باكشف و كرامات ، زاهد و عابد ، ذاكر و شاكر حضرت مولانا احمد علي لاهوري رحمة الله عليه برت و سر كرت و تقريبا مولانا په وتي دلي مراد و مقصد رست و رسمًا بدست حق پرست لاهوري مشرف به بيعت بوت و وزوت چه راه و رهبند و منازل سلوكءِ رد بوت وگوست، و به مقصد رست .
و رندا واجه حجازے مسافر بوت و مه شهر مكه مكرمه دست بعيتي به حضرت مولانا قاري محمد طيب مدير دارالعلوم ديوبند دات و مه چهار طريقه چشتي ، نقشبندي ، قادري و سهرودي داخل بوت و هرسئيں واجهان حضرت مولانا ءَ و تي خلفه مجاز كرت و اے تزكيه و عرفان سبب بوت كه واجه اصلاح ، صالح و مصلح ببيت .
مصداق شعر قرار گپت :
صوفي نشود صافي تا در نكشد جامي
بسيار سفر بايد تا پخته شود خامي

تدريس مه مكه مكرمهءَ
واجه مه سال 1328 هـ ق به زيارت مكه مكرمه حاضر. گڑا واجه به مدرسه صوليته مكه مكرمه رفت و به بهانه ايشي كه اودا بمانيت په درس ونتِن درخواستي پيش كرت اودے واجهان رند چه آئي ءِ امتحان ءَ پيش نهاد دات كه بجاي طلبه واجه استاد و مدرس به بيت، مولانا هم په اے كار موافق و ماں مدرسه صولتيهء مدرس بوت .
مدرسه صولتيهءِ موسس و باني حضرت علامه رحمت الله كَيرانوي انت و اے واجه گوں حاجي امداد الله مهاجر مدني و حافظ محمد ضامن مه هندوستان په انگريزے جنگ ءَ سلاح بدست گپت ماں جهادے ميداں دَور كرت رند چه شهادت حافظ محمد ضامن و شكست مجاهدين واجه به مكه مكرمه‌اي هجرت كرت و مه اے وهد انگريز مزنين، عيسايي ملا و پادري تبشيري په ضد اسلام مه هندوستان تالان كرت گڑا مولانا كتاب « اظهارالحق» ءَ نبِشت و پادريانے شكوك شبهاتَ جواب دات بلكه مسيحيتءِ سرينَ پروشت و مزنين احساني به علماي عرب و عجم كرت. و چونكه اے مدرسه به كمك يك مسلمانين جنينے بنام صولت النسا جوڑ بوت آئيءِ نام صولتيه اير كنگ بوت .
چونكه واجه عبادتگزاري ات گڑا الله تعالي مه فضاي حرم مكه بيد چه ذكر ، تلاوت ، نماز وتهجد چه مزنين عبادت كه درس و تدريس ببيت آئي را بهرمند كرت.
چنت سالءَ رند واجه پتءَ مولانا عبداللهءَ نامه نبشت و واجهی لوٹائینت.

خدمت مه سرباز
واجه مه وتي ميتگ په مردمے خدمت هروهد تيار ات آياني اختلافاتي قضاوت و په جوانين و زبرين كاران راهنمائي ءَ كرتنت و مردم چه دور په واجهے زيارت و ملاقات ءَ و شريعتءَ يهت انت و اجه آيانَ په جواني مهمانوازي كرت و آهانے سواري و ساهدارانے كاه و علفءِ انتظامَ هم كرت .

مدرسه ديني ءِ بنگيج
واجه يك بُنيادي فكرے كرت و آئي يك علمي جاگاه و مدرسه ديني بنگيج ات و په اے بابتءَ مه سال 1330 شمسي مطابق با 1371 قمری مه روستاي دپكور يك ديني مدرسهءِ جوڑ كرت رندا واجهے دوستان آئي ءِ نام مدرسه عزيزيه اير كرت و رندا كه واجه زهدان شت گڑا مولانا تاج محمد آئي ءَ به انزا يارت و تا مروچي په مسلمانانے چك زهگان تعليم و تربيت ءِ خدمت كنت و بازين مولويءِ چه مدرسه فارغ التحصيل بوتگ و وپه راج وملت بلوچ ءِ تعليم وخدمت هروهد تيار انت و اميد وارين كه تا روچ قيامت په مولانا صدقه جاريءِ ببيت – انشاءالله تعالي .

واجه مه زاهدان
الله تعالي په واجه خيرے ارادهءَ كرتگ و چه آئي مزنين كارے گرگي ات گڑا الله تعالي سامان اهتن به زاهدانءَ آماده و تيار كرت چيا كه واجهءَ ديما سجئين اهلسنت ايرانے رهبري كنگي ات .
واجه‌اي پند وپيغام به واسطه‌اي راديو مه پهكين بلوچستان بلكه ايران و ڈنّا رست و مولانا مزنترين عالم زانت كار زانگ بوت و مه زاهدان ، غريب، مسكين ، بيو س ، مسافرانءَ اميت و جاه پناهے گير اهت .
واجهءِ دريا دلي ، سخاوت ، مهمانوازي ، خدمت په بزگ و بيچارگ بي مٹ و بي مثال ات و اے اوصاف واجه ءِ فطرت بوتگ ات و مه آئے هڈ ، گوشت، پوست ،رگ و ريشگ قرار گپتگت .

مولانا جامع صفات
واجه عالمي ات كه چه فقه و فتوا باز سري درءِ بُرت و فقه في الدين آئيءَ گير آهتگ ات ، واجه مه عرفان ، تصوف و تزكيه مزنين مصلحي ات ، ويك كامبياب ايں معلم و مدرس ات كه مه عربي زبان و صرف نحو كامل مهارتي داشت ، مه سخاوت و نان ديگ حاتم زمان ات ، دلجوئي و اشكشوئي يتيم و چوريانَ وش زانت ، مه حكمت ، مصلحت ، فهم و دانش سعدي دوران ات ،په صلح وتُپاكي ميان مردم سك باز فكر مند ات و اے بابت چه هيچ زحمتي دريغ ءَ نكرت، په نابودي جيڑه، فتنه وفساد په هر قيمت آماده ات.

مني چند خاطره واجهءَگوں
بنده عبدالواحد چه كساني واجهءِ نام توارا اشكتگ ات كه آئي مئي مزن ترين عالم دين انت ، رندا واجهون مه كراچي زيارت كرت .پداں حضرتے زيارت مه سالن اجتماعات مدرسه دارالعلوم مكي كه طالباني نصيحت كرت ديستون و واجه‌اي وپند په اتباع سنت ات .
– په جلسه شوراي هماهنگي مدارس زاهدان شتان و مه منزل مولانا عبدالحميد مسجد مدنيءِ كرّا واجه تشريف يارت و ملاقات بوت، بلے واجه باز ضعيف ات ، اِدان يك قاري صاحبے چه كوئٹه يهتگ ات ، مولانا ديم گور قاري كرت گوشتي : اشكتگون كه اودے حافظ طالبانَ جنت و كُله‌ئي دات كه مدير[مهتمم] ءَ چه پهناد من سلام كن و بگوشي كه مهليت كه استاد طالبانَ بجنت و مه اي ديوان حضرت شيخ الحديث مولانا محمد يوسف حسين پور و مولانا ابراهيم دامني گونَ تنت .
يكبرے واجہءَ گوشت:
– سفر حج شتون مولانا قاري طيب رحمة الله عليه ءَ گون لهتے دگه سوغات و ٹيكي و يك جاه نمازئے هديه كرت گڑا واجه مولانا قاري طیبءَ گوشت :‌ عبدالعزيز تو مزنيں چالاكي ئے چوشين چيزَ ديے كه همودا كه مردم نماز بكنت ترا يات بكنت .
– مه باغچه مدرسه نشتگءَتين واجه كنار يك هنارے، گون بالشتي تكه داتگ ات گڑا واجه فرمان كرت كه دوشي حافظ (شيرازي) منا باز گريواينتگ ات گڑا اے شعر ونت و گريتي .
ميـــــان قــعر دريا تختــه بنـــدم كـــرده‌اي
باز مي گوئي كه دامن ترمكن هشيار باش
ورندا چه ميتگ وكلگاني ءِ خرابي و فتنيان زمان گله گواهي كرت .
گڑا من گوشت اےهم نعمتے كه شما را احساس و درد هست و اگر نه بازينے بي حس و بي غم انت و علامه اقبال لاهوري ءِ اے شعرون ونت :
واے ناكامـــي متاع كاروان جـــــاتا رهــا
كاراوان كےدل سے احساس زاں جاتارها
كمّے واجهءَ تسلي بوت .
– مولانا عبدالقادر سربازي گوشت: مكه مكرمه گون واجه همراتان ،استاندار مكه واجهءَ بڈے زر دات مولانا رحمة الله عليه سجّئين زرّان كتاب كرت و په عالماني بهر كرتنت .
– يك سُهبے ايرانشهر مولانا قمر الدين ءِ مهمان بوتان واجه فرمان كرت :
په فقيه و مجاهد بلوچستان حضرت علامه مولانا شهدادءَ اجتماعي و سياسي مشكل پيش يهتگت گڑا مولانا عبدالعزيز منا په حل اے مسئله سراوان ديم دات و من رفتان .
– مولانا يارمحمد ريگي مه دارالافتاء زاهدان گوشت : مولانا محمد عيسي موحد رحمة الله عليه مه سوران در حكومت پهلوي گون مشكل دولتي روبرويت گڑا مولانا عبدالعزيز رحمة عليه په اے مشكلے بابت منا به سوران رهادگ كرت.

وفات
واجه رند چه يك دل ءِ بيماري و نادراهي اے دنياي فاني ءَ وداع گوشت و گوربام روچ چهارشنبه مه تاريخ 21/5/1366 برابر با 16 ذوالحجه 1407 هـ ق به مالك حقيقي رفت و رست .
انا لله و انا اليه راجعون
الله تعالي واجه ءِ قبرَ پرنور و قيامت مه جنت فردوس گون اوليا ء صالحين و انبيا همراه بكنت و چه آئي ءِ بشري لغزات مكمل مغفرت بفرمائينيت آمين بفضله الكريم .


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *