مروچی :سه شنبه, ۲۹ اسفند , ۱۴۰۲

امیر حاجی عبدالوهاب وفات بوت

امیر حاجی عبدالوهاب وفات بوت

سنی‌آنلائن| امیر حاجی عبدالوهاب تبلیغی جماعتِ مزنیں امیر و رھشونا مروچی صباحا (یکشنبه 27 آبان 1397/ 10 ربیع‌الاول 1440) کوڑھیں دنیا ویل دات و دیم په وتی ابدی جاگاھا رھادگ بوت.
مرحوم حاجی صاحب وتی عمرِ گڈی روچاں سک ناجوڑ بوتگ و مہ یک نادراھجاھے تھا دوا و درمانِ چیرا بوتگ.

حاجی عبدالوھاب صاحب دھلی تھا چہ ماسا بوتگ و چہ سال 1944ءٰ جماعت تبلیغا ھور بوتگ و رند چہ مولانا محمدیوسف کاندھلویا، اے بین الاقوامی جماعتِ سومی امیر و رھشوں گچین کنگ بوت.
واجہِ نمازجنازہ انشپی رائیونڈا وانگ بیت.

واجه مولانا عبدالحمیدا وتی دلپدردی چه مرحوم حاجی عبدالوهابِ وفات بیگا جار جت

شیخ‌الاسلام مولانا عبدالحمیدا مه پیغام مرحوم حاجی عبدالوهاب پاکستانِ تبلیغ جماعتِ امیر و رهشونِ وفات بیگ په دینِ تمامیں داعی و مبلّغاں تسلیت گوشت و وتی دلپدردی چه مرحومِ حاجی صاحبِ وفات درشاں کت.
په سنی‌آنلائنِ هالا واجه مولانا عبدالحمیدا مه یک بهرے چه وتی پیغاما نبشتگ: مرحوم حاجی عبدالوهاب صاحب چه هما کمّیں مردمان اَت که وتی دراهیں عمر اِش په دعوت و دینِ خدمتا داتگ اَت و شپ و روچ اِے راها جهد اِش کرت.
واجها دیما نبشتگ: من اِے مخلص و زحمت‌کشّیں دعوتگرِ وفات بیگا په دینِ تمامیں مبلّغاں و تمام مردماں تسلیت گوشان و چه اللهِ بارگاها په مرحوما بکشش و درجاتِ برزیا لوٹوکاں.


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *