مولانا عبدالصمد ساداتی ماں سراوان ءِ آدێنگ ءِ نماز ءِ دیوان ءَ گۆں اشاره به سیمسرانی بند کنگ ءَ گوشت: سیمسرانی بند کنگ چۆناهی ءَ مردمانی رزق ءُ زۆزی ءِ سر ءَ پابند جنگ ءُ آوانی زندگی ءِ مشکلانی نادلگۆش کنگ انت که شه اێشی آسر ءَ بازێں مشکل ءُ سکی ئے ماں چاگرد ءَ جۆڑ بیت. وهدےکه شه سیمسر ءِ وار ءُ گوماں په جوانی کارمرز مه بیت گڑا شه دگرانی ردکارمرزی ءَ بازێں مشکلے په مردماں جۆڑ بیت.
سراوان ءِ آدێنگ ءِ امام ءَ گوشت: راهبندی، دزی، ماشین ءُ پرپٹانی دزگ ءُ بدتر شه اێشی هلوچگری ءُ مردمانی هۆنانی رێچگ بدترێں کردار ءُ ٹوهترێں گناه انت که واجه رسول الله صلیاللهعلیهوسلم ءَ ماں وتی گڈی کلوه ءَ شه آوان ڈاه داتگ.
آوان که چاگرد ءِ امنیت ءَ پرۆش انت ءُ مردمانی پرایمنێں زندگی ءَ تاوانَ رسێن انت، بائد انت که اسلامی کانود ءِ رد ءَ سک سزا دیگ ءُ انگڑێنگ به انت.
چمشانک