سنیآنلاین| ڈاکٹر اسماعیل هنیه، غزہ ءِ سلاه بندێں گل، حماس ءِ سیاسی بھر ءِ سرۆک مرۆچی سهب ءَ (۱۰ مرداد ۱۴۰۳) ایران ءِ بنجاھی شھر تھران ءَ شهید بوت.
ماں اے وئێل ءَ یکے شه آیی باڈی گارڈاں ھم شھید بوتگ.
اسماعیل هنیه ءَ په چاردمی سرکار ءِ سرۆک، ڈاکٹر ءِ پزشکیان ءِ سۆگند زوری ءِ مراگش ءِ بهر زورگ ءَ تهران ءَ آتگ ات.
ملکی هالسرکنۆکانی هالانی رد ءَ سهب ءِ ادار 2:30 ءَ اسماعیل ھنیه ءِ نندگجاه ءِ سر ءَ ماں تهران ءَ اُرشے بوتگ ءُ آیی شهید کنگ بوتگ.
لھتے ھالسرکنۆکاں گوشتگ که تهران ءَ اسماعیل ھنیه ءِ نندگجاه ءِ سر ءَ اُرش «شه یک دگه ملکے ءَ گۆں میزائل ءِ شنگ کنگ ءَ بوتگ ءُ شه ایران ءِ ته ءَ نه بوتگ».
حماس ءِ جنز ءَ یک بیانے شنگ کرتگ ءُ اسماعیل هنیه ءِ کوش ءَ را «صیهونی دژمن ءِ مجرمانه ئێں اُرش» زانتگ ءُ آیی ءِ شھید کنگ ءَ را «فلسطین ءِ مزنیں راج، اسلامی ءُ عرب راج ءُ دنیا ءِ سرجمێں آزاتێں مردماں ءَ» دلتسلایی داتگ.
چمشانک