مروچی :سه شنبه, ۲۸ فروردین , ۱۴۰۳
سمی دین:

گپ ھمیش اِنت ما ساری ءَ ھشت زور بیگواھیں مردمانی کھول اسلام آباد ءَ اتکگین ءُ اے رندی سدانی کچ ءَ ایں

گپ ھمیش اِنت ما ساری ءَ ھشت زور بیگواھیں مردمانی کھول اسلام آباد ءَ اتکگین ءُ اے رندی سدانی کچ ءَ ایں

اسلام آباد پریس کلب ءِ دیم ءَ برجاھیں زھرشانی نندانک ءَ بیگواھیں بلوچانی توار ( وی بی ایم پی ) ءِ کارگشاد ءُ زور بیگواھیں ڈاکٹر دین مھمد ءِ جنک سمی دین ءَ تران کرتگ ءُ گوشتگ کہ ما اد ءَ اسلام آباد پریس کلب ءِ دیم ءَ زھرشانی نندانک ءَ نشتگیں دانکہ گنک ءُ کَریں واکداران ءَ وتی توار ءَ سر بہ کن ایں.

من شمارا دگہ ھم گپے ءِ ترانگ ءَ گیجاں کہ ستمبر 2013 ءَ ماچہ شال ءَ پیادگ ءَ زھرشانی روانک ءَ درکپتگیں داں کراچی ءُ اسلام آباد ءَ آتکگین ءُ ھمے جاہ ءَ نشتگیں، ھمے وڑا لھتیں ریاستی کارمندیں اھوالکار آتگ اَنت ءُ آیاں ما را ھمے وڑیں جست کرتگ. آئی ءَ گوشتگ کہ اے رندی پد ءَ ما زور بیگواھیں مردمانی کھول ھما وڑا ھمے جاہ ءَ آتکگیں، گپ بس ھمیش اِنت کہ آ وھد ءَ ما ھشت زور بیگواھیں مردمانی کھول بوتگیں اے رندی سدانی کچ ءَ ایں.

ما وھدے پہ وتی زور بیگواھیں مردماں توار چست کنگ ءَ اسلام آباد کائیں پما راہ بند کنگ بنت ءُ ما زوراکیانی آماچ کنگ بہ ایں. سمی دین ءَ گوشتگ کہ چنچو سال اِنت ریاست ھمے گوش ایت بلوچ زھر اَنت بلوچستان ءَ لھتیں مردم ءُ سردارانی زمینی جیڑہ اَنت بلے زوریں بیگواھی ءِ جیڑہ نیست، اے درسیں ماس ءُ گھارانی ارس دروگ اَنت. اے ھندوستان ءِ کارمند اَنت. پہ ڈیھ ءِ بنام کنگ ءَ دگاں زھرشانی کن اَنت.

آئی ءَ گوشتگ کہ آیانی گوشگ انت پنجاپ ءَ مئے زھگ ءُ مردم پرچہ بیگواہ کنگ نہ بنت. اے راستی مئے ءُ شمے دیم ءَ اِنت پنجاپ ءَ ھوار سند ءُ تیوگیں ڈیھ ءَ مردم بیگواہ کنگ بوگ ءَ اَنت. نوں اے ڈیھ ءِ تہ ءَ ھزار ءُ لکانی کچ ءَ مردم اے جیڑہ ءِ بارو ءَ سرپد اَنت. وھدے کہ بلوچ ءِ گپ کیت گڑا درس کنگ بنت.

سمی دین ءَ گوشتگ کہ بلوچستان ءِ انوگیں وزیر ءِ گوشگ اِنت بلوچستان ءَ زوریں بیگواھی ءِ جیڑہ نیست اے مردم چہ وتی لوگبانکاں زھر بنت ءُ کراچی ءَ کاینت ایشانی زھگ ءُ جنین آیانی اکساں زور اَنت ءُ آیاں زور بیگواہ گوش اَنت. آئی ءَ گوشتگ کہ ما اد ءَ نشتگیں مردماں گوش ایں شما اے زور بیگواھیں مردمانی مات ءُ گھاراں پچار اِت کہ اے انگت ءَ اردو گپ جنگ نہ زان اَنت، ھپتاد ءُ ھشتاد سالی مات اد ءَ زھرشانی ءَ نشتگ اَنت ءُ چے لوٹگ ءَ اَنت، آیانی گوشگ اِنت کہ اگاں مئے مردم میار بار اَنت گڑا وتی جوڑ کرتگیں آمیدگس ءَ پیش اِش بہ کن اِت.

سمی دین ءَ گوشتگ کہ مئے لوٹ چشیں نہ اَنت آیاں ریاست پیلو کرت مہ کنت، بلے انگت ءَ زور بیگواھیں مردمانی مات ءُ گھار گر کنگ ءُ لٹ شاپ کنگ بوتگ اَنت. اے کسانیں زھگ کہ اد ءَ نشتگ اَنت ایشاں چہ شما چے دربرتگ. اے مزن بہ بنت چہ شما چے دربرت کن اَنت.

بنشۆن: زرمبش بلوچی


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *