مروچی :پنجشنبه, ۲۴ خرداد , ۱۴۰۳

سیستانءُبلوچستان ماں بےکاری ءَ ملک ءِ تها اول انت!

سیستانءُبلوچستان ماں بےکاری ءَ ملک ءِ تها اول انت!

سرکاری کچءُکساسانی رد ءَ 1402 ءِ گرمان ءَ ملک ءِ گێشتری بےکار سیستانءُبلوچستان ءِ مردم بوتگ انت وهدےکه ماں یزد ءَ شه هر 1000 کارءُباری مردێن ءَ 28 نپر بےکار بوتگ که کمترێں بےکارانی داشتگ.(اقتصاد نیوز ءِ هال ءِ رد ءَ)

کار ءُ دند ءَ ءِ نه بوگ سوب بوتگ تاں اے استان ءِ مردماں په دپارے نان ءَ ءُ لۆگمان ءِ لاپے سێر کنگ ءَ آچش ءِ سر ءَ پاد هل انت ءُ گۆں تێل ءِ گالۆناں سیمسر ءِ نێمگ ءَ تچان بےانت. لهتے هم په دگه استان ءُ ملکاں درانڈیه بےانت تاں وتی جنءُ زهگانی دێم ءَ دێم‌جت مه بےانت. اگاں چاگردی رسانکان ءَ چشمانکے دےاێں گند اێں که هر رۆچ چنکه ورنائێں بلوچ ماں دگاں آچانی تها سُچ انت یا ماں بندیجاهاں تیرکێلَ بے انت. اگاں سرکار ءَ اے استان ءَ را دلگۆش کرتێں ءُ پرے مردمانی بےکاری ءَ تۆجیل درگێجتێں اے ورنا ءُ نۆک ورنائاں لاچارَ نه بوت انت که په وتی ءُ لۆگمان ءِ لاپے سێر کنگ ءَ وتی هۆنانی سر ءَ پاد به هل انت.

راجکماش ءَ گوشت ات که یک میلیون کار درگێج ایت، بلێں شه آ یک میلیون کار ءَ بلوچاں انگت زبهر انت.


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *