سنی‌آنلاین| مولانا فضل‌الرحمان کوهی، انوارالحرمین ئِے دینی وانگجاه ءِ سرمستر ءُ پشامگ ءِ آدێنگ ءِ امام یک‌شمبی ءَ (30 مهر 1402/ 22 اکتوبر 2023) شه پهازۆکی واکانی نێمگ ءَ دزگر بوت.
مولانا فضل‌الرحمان کوهی که ماں سال 1399 ءَ به شش سال ءُ چار ماه بندیگی ءَ حکم دیگ بوت ات، 3 مهر 1402 ءَ پد شه سےسال ءُ نُه ماه بندیگ بوتن ءَ آجو بوت، بلێن زی یک‌شمبی ءَ وهدے که شه زاهدان ءَ په سرباز ءَ شت، ماں زاهدان ءُ خواش ءِ پٹءُپاسی اۆشتجاه ءَ، پهازۆکی واکاں واجه ءَ را دزگر کرت.
مولانا کوهی ماں وتی اے سفر ءَ که زاهدان ءَ آت ات گۆں واجه شیخ‌الاسلام ءَ نیاد کرت ات.
مولانا کوهی که مدام په مظلومانی حقانی لۆٹگ ءَ توار چست کرتگ ءُ پرے بابت ءَ بندیگ بوتگ، اے درگت ءَ هم گۆں شرگداری شه سرکارے ظلماں ماں زاهدان ءِ آدێنگ ءِ رۆچ ءَ ءُ همےپێم تهران ءِ پونک ءِ نمازخانه ءِ بند کنگ ءَ اے کردارانَ سک اێر ئِے جت. پمێشا سرکار ءَ هم وتی مدامی ئێں داب ءِ رد ءَ واجه ءَ را دزگر ءُ مشهد ءِ آزارجاه ءَ برت.
چمشانک