مروچی :چهارشنبه, ۲ خرداد , ۱۴۰۳

روکپتی بلوچستان ءِ سیمسرانی توپانی سبب ءَ دو کس بیران، بازیں کساسے ءَ مالی تاوان

روکپتی بلوچستان ءِ سیمسرانی توپانی سبب ءَ دو کس بیران، بازیں کساسے ءَ مالی تاوان

سر بیتگین اھوالانی رد ءَ روکپتی بلوچستان ءِ سیمسری ھند راسک پیر کور ءَ گورتگیں ھوراں توپانی کتگ ءُ چریشی ءَ بازین کساسے ءَ مھلوک ءَ تاوان بیتگ اَنت.

اھوالانی رد ءَ گوستگیں سَے روچاں گورتگیں ھورانی سبب ءَ توپانی بیتگ ءُ چریشی ءَ دو کس راسک ءِ کور پیر کور ءَ ھار ءَ برتگ اَنت ءُ بیران بیتگ اَنت.

اھولانی رد ءَ اے کساسی تاوان گیشتر تیل کشیں مردماں بیتگ اَنت .

اھوالانی رد ءَ سَے روچاں برجاھیں ھورانی سبب ءَ ماں سیمسراں باپاری تکاں تیل کشین گاڑیاں بازیں کساسے ءَ تاوان بیتگ اَنت.

شنگ بیتگین اکس ءُ تامر بنداں گندگ بیت اِنت کہ اود ءَ گاڑی آپ ءَ برتگ ءُ بڈینتگ اَنت ءُ چریشی ءَ گاڑیاں تاوان بیتگ اَنت.

اکسانی توک ءَ اے ھم گندگ بیت اِنت کہ اود ءَ مھلوک مُچ اَنت ءُ وتی گاڑی ءُ دگہ ساز ءُ سامانانی تاواناں پہ لاچاری چارگ ءَ اَنت.

زانگ بہ بیت سیمسر ءَ بندوکیں مھلوک ھردوکیں نیمگانیگ اَنت کہ اود ءَ مردم وتی لاپ کشی ءِ شوھاز ءَ تچگ ءُ وتی وھد ءَ تیلانک دیگ ءَ اَنت.

بن‌شۆن: دی بلوچستان پست


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *