مروچی :پنجشنبه, ۲۴ خرداد , ۱۴۰۳

تئی دپ ءَ دروغے زیادهێن بستگ

تئی دپ ءَ دروغے زیادهێن بستگ

لاریجانی خاندان، ایران ءِ سیاست ءَ چه انقلاب ءِ اول ءَ هوراَنت. یکّے چه اے پنچێن براتاں علی لاریجانی اِنت که دراجێن مدتے ایران ءِ “ریڈیو ٹی وی ئِے” دست ءَ بوتگ. چه آیی ءَ پَد دو رند ءَ ایران ءِ مجلس ءِ اسپیکر”رئیس” هم همے مرد بوتگ. یک برات ئِے صادق، کساس 10 سال ءَ عدل و انصاف ءِ شاهیم دار بیتگ. جواد لاریجانی که اِشانی مسترێن و پٹک ترێن برات اِنت، کش و کِرّ ءَ بے بهر نه بیتگ و اِشان دو دگه برات باقر و فاضل ءِ نام ءَ هم هست که لهتے منصبانی سر ءَ بیتگ اَنت. چوناها اے واجهاں ایران ءِ پێدائش نه اَنت و عراق ءَ نجف ءِ شهر ءِ پێدائش اَنت. اے خاندان حکومت ءِ شریدار بیتگ و کٹّ و نپ اِش وارتگ ءُ انگت هم ورگ اَنت. چنت روچ پێش همے جواد لاریجانی که وت ءَ چه اے دگه براتاں زانتکارتر زانت، لهتے هنچێن ناهودگێن گپ جت که هر با انصافێن مردمے اِے مرد ءِ عقل و زانگ ءِ سر ءَ شکّ کنت. اے گۆں دپ ءِ پُرّ ءَ گوشتگ که مسجد مکّی ضرار مسیت اِنت ءُ دگه لهتے دروغ و سیاسی کست ءُ کینگ گڈّ ءُ وڈّ کتگ اَت. اِے بے بُنێن دروغ گۆش دارگ هم نه کرز اَنت. یکّے نیست، اے مرد ءَ جست بکنت که شما اے خاندان ءِ براتاں که گۆں حکومت ءِ هرکار ءَ شریدار بوتگ اِت شما چے کرتگ؟!  مرۆچی اگاں مردم چه حکومت ءُ حاکماں ناراض اَنت اے خرابیان، شمئے دست هور اِنت. شما جواب دیگ ءِ جاه ءَ، پرچا  هما راجی شخصیت و نیک واهێن  مردمان ناحقێن بهتام جن اِت؟!!!  مرۆچی بیم و پاترّپ نه حکومت ءِ کار ءَ شر کنت و نه که مردماں شمئے سیاهێن  دروغ و بهتامان باور کن اَنت. منی هیال ءَ اگاں اِشان وتی دپ ءَ مُهر به جتێن باز گِهتر اَت. همے مرد وت صدانی هکتار زمین تهران کش و کِرّ ءَ صاحبی کتگ. جنێن ءُ مردێن چُکّان اِش لندن ءَ عیش و تماشا کنگ اَنت، گڑا اگاں حق ءُ حساب اے ملک ءَ هست اے جواب به دینت. قول بلوچی شاعر ءَ شیخ الاسلام مولانا عبدالحمید ءِ بارو ءَ اے دروغ بندێن مرد ءِ دپ ءَ زیادهێن دروغ بستگ ءُ گۆں چشێن دروغاں آئی وتی آپ کپتگ و آبرو شتگ.

تو بجن تژن ءُ تو به بند بُهتام / په گوشگ وژنام نه بیت بَنّام

۶ بهمن ۱۴۰۱

چهبار


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *