مروچی :شنبه, ۱۹ آذر , ۱۴۰۱

شوانگ ءَ مُهر دپ ءَ اِنت مرچان!!!!

شوانگ ءَ مُهر دپ ءَ اِنت  مرچان!!!!

زاهدان ءِ بے میار و گناهین بلوچ کست و کینگ ءِ تیرانی آماچ بوت اَنت.هرکس زانت که پرچا مفت و ناحق کشگ بوت اَنت.چه حکومت و دولت ءَ حق و انصاف ءِ لوٹگ ءَ بایداِنت مروچی بلوچ جُهدکار،کماش،وکیل،عالم و زانتکار هور و همراه به بنت و چو تفتان ءِ کوه ءَ مولانا عبدالحمید ءِ پُشت ءَ په مردی و گون بلوچی غیرت ءَ به اُوشت اَنت.
اے پِڑ ءَ بایداِنت که وکیل چه درستان پیشگام تر به بنت،پرچا که اے مظلومین بلوچانی ناحقین کوش چو روچ ءَ روشن اِنت.گڑا بلوچین وکیل مروچی وتی وکالت ءِ اُگده په جوانی به ماراَنت و اے حق ءِ گرگ ءَ هچ چَکّ و پَد مه بنت.بلوچ راج ءَ چه وتی وکیلان اے توقع هست اِنت و اے گیشین انتظارے هم نه اِنت.بلے ما گندین که وکیل صاحبان وتی گِین مان چِتگ و آیانی طرفداران هم اَگان کسے نام اِش به گراِیت،باز پْریشان بنت و گُڑاَنت.
ما نزانین اے ملک ءَ وکیل ءِ بیگ ءِ فلسفه چے اِنت؟!.وکیل باید وتی موکّلانی حق و دَین ءَ پَد به جن اَنت و اے آیانی ذاتی اُگده(وظیفه)اِنت.اے سَکّین وهد ءَ هچ بلوچے حق نه اِنت که حقّ ءِ طرفداری ءَ وتی دپ ءَ مُهرے به جنت و بے توار به بیت.بلے بیا که ما گندین مئے وکیلان سبزین کرسی ءِ تماه ءَ دپ اِش چیرءآپ اِنت یا قول بلوچان دپ ءَ مان کُونزگ ءَ کن اَنت و گپ جن اَنت.
تاریخ هچ کس ءَ نه بکش اِیت.باندا اے مردم گیشتر میاریگ کنگ بنت.گُڑا گِهتر همیش اِنت که اے واجهان وتی هاٹی و همّت ءَ مه بهاین اَنت و مروچی گون وتی راج ءِ غم،درد و مصیبتان سرجم و په دل شریدار به بنت.وکیلے که وتی راج ءَ تسلّاے دات نه کنت و ترس اِیت که آیی وکالت ءِ کرشی ءِ پادگ پْروش اَنت، تاریخ په اے مردان جْوانین چیز نه نبیس اِیت و ثبت نه کنت.قول بلوچ شاعر ءَ:”دور سَکّی ءِ کیت و گوزاِیت…”هما مردم تاریخ ءَ نام و ننگ کٹّ اَنت که تاریخی و جوانین کِرد ے واهند به بنت.

حق نه اِنت چیزے که رس اِیت مفت ءَ
بایداِنت حقّ ءَ پَد به جنت حقدار(روانبد)

ع.مراد
۷ آبان ۱۴۰۱


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *