مروچی :پنجشنبه, ۹ فروردین , ۱۴۰۳

شاهزانت یوسف قرضاوی بێران بوت

شاهزانت یوسف قرضاوی بێران بوت

شاهزانت یوسف قرضاوی، مسلمانێں پاگواجهانی جهانی اتحادیه ءِ بن‌هشت اێرکنۆک ءُ آیی پێسرترے کارمستر ءُ یکے شه اسلامی دنیا ءِ نام‌پرشت ءُ زبردستێں پاگواجهاں (4 مهرماه 1401هـ.ش/ 29 صفر 1444 هـ.ق) ماں 96 سالگی ءَ بێران بوت.

ڈاکٹر قرضاوی 9 سپتمبر 1926 عیسایی ءَ ماں مصر ءِ ملک ءَ ودی بوت. زهگی ءَ وهدےکه  انگت ده سال ئِے نه بوت ات قرآن ءَ را  گۆں تجوید ءَ شه بر کرت.

یوسف قرضاوی رحمه‌الله ماں سال 1973 ءَ وتی پی‌اچ دی ءِ سند ءَ را شه ازهر ئِے مزن‌شهدربرجاه ءِ اصول‌الدین ءِ شهدربرجاه ءَ گپت.

ڈاکٹر قرضاوی رحمه‌الله ماں سال 2008 عیسایی ءَ شه 20 اثردارێں نپرے میانجین ءَ که دنیا ءِ مردمانی سر ءَ باز اثر اش داشتگ، ماں دنیا ءَ سےام بوت.

شاهزانت قرضاوی ماں مصر ءَ گۆں بازێں سکیءُسۆریان آماچ بوت، چنکه بر بندیگ بوتگ تاں که ماں سال 1961 عیسایی ءَ په قطر  ءِ ملک ءَ لڈ ات ءُ ماں سال 1977 ءَ شریعت ءِ شهدربرجاه ءَ را اۆد ءَ جۆڑ کرت ءُ تاں سال 1990 ءَ آیی کارمستر ات.

شه اے اسلامی پاگواجه ءُ مزن‌سسا ءُ نبیسۆک ءَ گێش شه 170 کتاب ءُ صداں تواربند ءُ کلیپ ماں وڑوڑێں علمی، اصلاحی ءُ هێلکاری پڑان منتگ.


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *