مروچی : ۲۹ شهریور , ۱۴۰۱

مروچی ھم وتی ھکانی واستا گپ کنگ ءِ ھک نیست اِنت – نیاد ءَ تران

مروچی ھم وتی ھکانی واستا گپ کنگ ءِ ھک نیست اِنت – نیاد ءَ تران

آئینی رد ءَ ھرکس ءَ سیاست ءِ ھک نیست اِنت آ ڈیھ ءِ تہ ءَ سیاست کنگ اِنت، مروچی ھم آئین ءِ تہ ءَ نشتگ ءُ وتی ھکانی واستا گپ کنگ ءِ اجازت نیست اِنت، سیاسی لوٹ پرستی ءِ سبب ءَ جمھوریت نیزرو بیگ ءَ اِنت – سردار عطاء اللہ مینگل ءِ یات ءَ برجم داشتگیں نیاد ءَ تران کنوکانی تران.

نیاد ءَ تران کنوکاں تران کنان ءَ گوشتگ رھبند آئین ءُ ھکانی واستا جنگ ءَ کماشیں سیاستدان سردار عطاء اللہ مینگل ءِ جاہ کار نیست اِنت ڈیھ ءَ عطاء اللہ مینگل ءِ وڑیں دانائیں سیاستدانانی درکاری اِنت، آئینی رنگ ءَ ھما کس ءَ سیاست کنگ ءِ ھک نیست اِنت آ ڈیھ ءِ تہ ءَ سیاست کنگ ءَ اَنت. مروچی ھم آئینی پتر ءَ نیشتگ ءُ وتی ھکانی واستا گپ کنگ ءِ ھک نیست اِنت سیاسی وتپرستی ءِ سبب ءَ جمھوریت نیزور بیگ ءَ اِنت. اے منگ لوٹ ایت نی ڈیھ مزن دستانی دست ءَ اِنت یا بس لھتے تکانی سر ءَ آئین ءِ مزن دستی ءِ جیڑہ ھلاس نہ بنت چارٹر آف ڈیموکریسی ءُ چارٹر آف اکانومی ءَ پیسر سیاست ءَ ھواری ءِ دزمانجنی چارٹر ءِ سر ءَ تپاک بیگی اِنت سی پیک ءِ منوک امریکہ ءِ دشمن ءُ بگیر داریں امریکہ ءِ دوستداری بیگ ءَ اِنت. بلوچستان ءَ دیمروئی ءِ ٹاہ دیگ بیتگ اَنت بلوچستان ءِ مڈی دمگی مردمانی واستا ھک دیگ نہ بیتگ.

اے گپانی درشانی بلوچستان نیشنل پاٹی ءِ سروک سردار اختر مینگل، پی ڈی ایم ءِ سروک ءُ جے یو آئی ءِ رھشون مولانا فضل الرھمان، مسلم لیگ (ن) ءِ سیکرٹری جنرل وفاقی وزیر احسن اقبال، پختونخواہ ملی عوامی پاٹی ءِ سروک محمود خان اچکزئی، سندھ یونائیٹڈ پاٹی ءِ سروک جلال محمود شاہ، پیپلز پاٹی سندھ ءِ سروک سینیٹر نثار کھوڑو، سپریم کورٹ بار ءِ گوستگیں سروک یاسین آزاد، علی احمد کرد، کلانی اھوالکار مظھر عباس، بلوچ کواس محمدعلی ٹالپور ءُ دگہ مردماں دمگی ھوٹل ءَ سردار عطا ء اللہ مینگل ءِ سالگشت ءَ برجم داشتگیں نیاد ءَ تران کرتگ اَنت.

جتا جتائیں سیاسی پاٹی، راجدوست رھشون، وکیلانی سول سوسائٹی ءِ رھشوناں پرشی سالگشت ءَ بھر زرتگ ءُ کماشیں سیاستدان ءِ ستاشانی کرتگ.

سروکی تران کنان ءَ بلوچستان نیشنل پاٹی ءِ سروک سردار اختر مینگل ءَ گوشتگ چارٹر آف ڈیموکریسی ءُ چارٹر آف اکانومی ھما کچ ءَ بے مانا دار اِنت دانکہ سیاست ءَ ھوار بیوک چارٹر ءِ سر ءَ تپاک نہ کن اَنت یک یکے ءِ گلام اِنت ءُ آئین ءَ نیشتگ ءُ وتی ھکانی واستا گپ جت نہ کن ایں ڈیھ ءِ دیم ءَ بروکیں دراھیں ادارھاں وتی کچ ءَ نندگ ءُ کار کنگی اِنت ما زیردست اِنت ءُ نیزگاری ھم ھست اَنت دانکہ من ءَ اے باوری کنگ نہ بیت کہ من واکدار نھاں منی زیردستی ھلاس نہ بیت اِنت.

آئی ءَ گوشتگ کہ اے گوشگ بیت اِنت بلوچستان ءَ مھلوک جنگ کنگ ءَ اِنت بلے اے جست نہ کن اَنت پرچا جنگ کنگ ءَ اَنت کسان لاپ اے جست ءَ کن اَنت پرچا جنگ ءَ اَنت آ سپریم کورٹ کدی بلوچستان ءِ جاورھالانی سر ءَ شریں گامگیج زرتگ. بلوچستان ءَ چہ انگریزاں جوڑ بیتگیں ریل ءِ نزام دیم ءَ برگ نہ بیتگ مئے دیمروئی ءِ راز ھمیش اِنت.

پی ڈی ایم ءِ سروک مولانا فضل الرحمان ءَ گوشتگ مروچی ڈیھ ءَ درستاں مستریں سیاسی ھاکماں وتی دست یک کنگ ءِ زلوری اِنت سیاستدانانی وتپرستی ءَ جمھوریت روچ پہ روچ نیزور بیگ ءَ اِنت آئی ءَ گوشتگ ھما کہ سی پیک ءِ منوک اَنت آ امریکہ ءِ دشمن ءُ بگیر دار آیانی دوست اَنت ما انڈیا ءِ گون ءَ کار ءُ باری تکاں جوڑ بہ کن ایں ڈیھ لوٹ دیم ءَ بنت ایران ءُ پاکستان ءِ میان ءَ جوانتریں گپ بیت اِنت بلے اجازت نیست اِنت ڈنی پالیسی ڈیھ ءِ لوٹانی تہ ءَ بہ بنت.

مسلم لیگ ن ءِ سیکرٹری جنرل وفاقی وزیر احسن اقبال ءَ گوشتگ کہ سردار عطاء اللہ مینگل سیاسی وزڈم ءِ زر اِنت، آئی ءَ ساپ ءُ پلگار ءُ زانتی تکاں سیاست کتگ، اے ڈیھ کہ ھماھی ءِ ڈی این اے بیلٹ بیتگ آ بیلٹ ءِ راہ ءَ دیر کنگ بیتگ، پاکستان ءِ بیلٹ ءُ ووٹ ءِ تھریک ءَ ایوب خان راہ ءَ چہ دور کتگ اے منگ لوٹ ایت ڈیھ مزن دستانی آئین ءَ شتگ یا لس مردمانی، آئین ءِ مزندستی ءِ جیڑہ ءَ سرجم بیگ ءَ جیڑہ ھلاس نہ بنت.

آئی ءَ گوشتگ کہ بلوچستان ءَ بیگواھیں مردمانی جیڑہ ءَ ریاست چیلنج کتگ، بنجاھی سرکار ءَ اے جیڑہ ءِ بنکی گیشنگ لوٹ ایت.

پختونخواہ ملی عوامی پاٹی ءِ سروک محمود خان اچکزئی ءَ گوشتگ کہ سردار عطاء اللہ مینگل ءِ سسائیں جد ءُ جھد مئے واستا یک مھکمیں دیوالے ما پاکستان ءِ گون ءُ اِنت ءُ بہ ایں – مارا انساپ لوٹ ایت پنڈگ ناں آئین ءِ پتر ءَ چست کنوک وتی سرپاں بہ بنت ءُ کار بہ کن اَنت انیگیں جاورھالانی سر ءَ سینٹ ءِ برجم کنگ زلوری اِنت.

سندھ یونائیٹڈ پاٹی ءِ سروک جلال مھمود شاہ ءَ گوشت کہ سردار عطاء اللہ مینگل ءِ سروکی ءَ راجدوستیں پاٹی ھمسنت بیتگ اَنت سیمی پدریچ ءَ داں آئی ءِ سیادی برجم بیتگ مروچی پاکستان ءَ فڈریشن جوڑ نہ بیتگ اگاں ھمے جاور ھال بیت اَنت گڑا دیم ءَ ھم یک راجے جوڑ نہ بیت اِنت.

پیپلز سندھ ءِ سروک سینیٹر نثار کھوڑو ءَ گوشتگ سردار عطا ء اللہ مینگل جمھوریت ھیرو بیتگ ون یونٹ ءِ ھلاپ ءَ جد ءُ جھد ءَ سردار عطاء اللہ مینگل ءَ مزنیں کرد پیلو کرتگ اَنت.

آئی ءَ گوشتگ کہ ھر تک ءَ ڈیھی دیمروئی ءِ واستا یکین راہ آئین ءِ منگ اِنت مھلوک ءُ مھلوک ءِ نمائندگاں نیزور کنگ ءُ بدنامی ءِ جنگ ھلگ ءَ اِنت ھمک وھد ءَ آئین ردی ءِ سپتاں کنگ بیتگ پی سی او شنگ کنگ بیت اِنت، پاکستان کسی پیروکی ملکے نہ اِنت راج پھازگ لوٹ ایت چارٹر آف اکانومی ءِ وھد ءِ درکار اِنت.

سپریم کورٹ بار ءِ گوستگیں سروک یاسین آزاد ءَ گوشتگ کہ سردار عطاء اللہ مینگل ءَ ھما رنگ ءَ دستور آئین ءُ ھکانی واستا جنگ کتگ آئی ءِ جاہ ءَ کس بیت نہ کنت بلوچانی سر ءَ گداری ءِ بھتام گل ءُ بے بن اِنت، آئینی رنگ ءَ ھما تاکت ءَ ڈیھ ءِ تہ ءَ سیاست کنگ ءِ ھک نیست اِنت ھما سیاست کنگ ءَ اَنت اشاں چہ رکگ ءَ دراھیں سیاسی پاٹیاں یک جاہ ءُ یکیں بنگپ ءَ آیگی اِنت.

کلانیں نائب سروج نیشنل پاٹی ءِ سینیٹر کبیر محمد ءَ گوشتگ کہ عطاء اللہ مینگل بلوچستان ءِ یک مھکمیں توارے بیتگ، گوادر ءِ سر ءَ ڈیموگراف ءِ بدل کنگ ءِ دست چست اَنت بلوچستان ءِ سیاسی نزام مروچی ھم لپاشگ بیگ اِنت شپ ءِ شپ پاٹی جوڑ بنت ءُ بلوچستان ءِ مڈیانی ھک دیگ بیت اِنت.

نامی ئیں سیاستدان علی احمد کرد ءَ گوشتگ منی ڈیھ ءِ سی ءُ پنچ سال ءَ زوراکی بیتگ درست یکجاہ بہ بنت پجار بہ کن اَنت ظالم کے اِنت نی وھد گوستگ بہ ترسین اَنت کے انت کجام مردن اَنت کہ اے ڈیھ ءَ زلم کنگ ءَ اَنت.

کلانیں اھوالکار مظھر عباس ءَ گوشتگ زیردستیں مھلوک ءِ واستا عطاء اللہ مینگل ءَ جان ءِ دیمونی داتگ ھما ورنایاں مروچی باگی گوشگ ءَ اَنت آ باگی نہ اَنت یازہ ھمسنتیں پاٹی ءِ بیگ ءَ ابید ھم مروچی زانگول کرتگیں جون دزکپگ ءَ اَنت طالبان ءَ گوں گپ بیت اِنت اے مردماں گوں پرچا نہ بیت اِنت اشانی واستا پھلی ءِ جار جنگ بہ بیت اِنت.
بنشون: دی بلوچستان پست


چمشانک

دیدگاهتان را بنویسید

نشانی ایمیل شما منتشر نخواهد شد.