مروچی :جمعه, ۱۰ فروردین , ۱۴۰۳

سیستان ءُ بلوچستان ءِ مردمانی تێلے بهر ءَ پیلو دےات

سیستان ءُ بلوچستان ءِ مردمانی تێلے بهر ءَ پیلو دےات

مولانا نواب حوت، کهیر ءِ جمعه ءِ امام ءُ مولانا محمدعثمان خاش ءِ الخلیل مسیت ءِ امام ءَ وتی گڑتی ءَ  اے استان ءِ مردمانی  تێلے بهر ءِ کم کنگے بارو ءَ درشان اش کرت ءُ اے ونڈے پیلو دیگ ءَ شه سرکار ءَ لۆٹۆک بوت انت. مولانا حوت گوشت: ارمان که ذمه‌واراں به جمعه ءِ اماماں، پارلمان ءِ جهگیراں ءُ مردمانی لۆٹاں دلگۆش نه کرت ءُ گوشت اش ما پهکێں استانانی مردمانی تێلے بهر ءَ ‌را کم کرتگ، وهدےکه ماں دگه استاناں تێلے بارو ءَ هچ گڑتی ءِ نه انت ءُ اۆد ءِ مردماں هر کساس که لۆٹ انت، په گاڑیاں تێل کارمرز کن انت.

مولانا محمدعثمان هم گوشت: اے استان ءِ مردمانی تێلے بهر ءِ کم کنگ، اے درّێں مردمانی حق نه ات. ما گمان کرت وهدےکه پارلمان ءِ جهگیراں وتی دلگرانی ءَ اے بارو ءَ درشان کرت اے مشکل حل بیت، بلێں تێل ءِ وزارت ءَ جار جت که ماں سجهێں استاناں مردمانی تێلے بهر کم بوتگ. وهدےکه ماں آ استاناں اے بےپوکێں چیزے، پچےکه  آوانَ تێل ءِ کارت په کار نه انت،‌ بلکه هر کساس لۆٹ انت توان انت په گاڑیاں تێل کارمرز کن انت.

دو گشت انت که سرکار اے سیمسری ءُ زبهرێں استان ءِ مردمانی تێل ءِ بهر ءَ کم کنت، وهدےکه استان ءِ پاگواجهاں، جهگیراں ءُ مردماں وتی زهرشانی ءَ درشان کرتگ، بلێں انگت سرکار ءُ ذمه‌واراں اے بارو ءَ کارے نه کرتگ ءُ دێر انت که اے استان ءِ مردماں شه سرکارے نێمگ ءَ بےهیال بوتگ انت.


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *