سرهالانی رد ءَ 4 ایرانی بلوچستان ءِ باپارکارێں ڈرائیورانی سر ءَ شه پاکستانی پۆجے نێمگ ءَ ماں نوکنڈی ءِ سیمسر ءَ تیرگواری بوتگ ءُ ڈرائیوراں په سکّی کشگ بوتگ انت.
سربوتگێں هالانی رد ءَ پاکستان ءِ پۆج ءَ لهتێں شه ایرانی باپارکارانَ ماں آ ملک ءِ سیمسر ءَ دستگر کرتگ ءُ گاڑیانی راڈیاتورَ هاک مان کرتگ ءُ بیٹریز کش اِتگ اَنت ءُ ڈرائیور ھشکیں دستاں گوں ماں لوت ءَ یل داتگ اَنت.
اے رستری کردار گۆں بلوچێں باپارکاراں ماں رمضان ءِ ماه ءَ سبب بوتگ تاں چنکه ڈرایور کشگ بےانت که باز بدێں کردار ءُ شه انسانی تب ءَ در انت.
پمێشا بازێں زهرشانی ءِ اے ظلمے هاتر ءَ شه رۆدراتکی بلوچستان ءِ بلوچانی نێمگ ءَ ماں کویٹه، نوکنڈی ءُ ڈالبندین ءَ بندات بوتگ.
ایرانے بلوچێں حقوقی جهدکاراں هم شه ملک ءِ درےکارانی وزیر ءَ لۆٹتگ که پاکستانی پۆجے ظلمانی بارو ءَ که ایرانی بلوچانی سر ءَ بوتگ وتی پدگرد ءَ درشان کنت.
چمشانک