چئیرمین پڑو ادبی کچاری:

کتاب میراث ءِ جُھد ءَ بھر زوروکیں ھر یک مردمے داد ءِ ھکدار اِنت

کتاب میراث ءِ جُھد ءَ بھر زوروکیں ھر یک مردمے داد ءِ ھکدار اِنت

پڑو ادبی کچاری چئیرمین سعید نور ءَ وتی درشان ءِ تہ ءَ گْوشتگ کہ سال 2022 ءِ بنداتی ءِ درگت ءَ برجم داشتگیں میلہ ءَ بھر زوروکاں ءُ اے روچ ءَ نامی ئیں جوڑکنوکاں منت وار گوشتگ کہ تُرندیں سارتی ءُ ھور ءَ ابید واھگداریں مردمانی میلہ ءَ بھر زورگ ءَ اے گپ ءَ گیش مھکم کنت کہ بلوچ راج زانت ءُ کتاب دوست ایں راجی.

آئی ءَ گْوشتگ کہ پڑو ادبی کچاری ءُ نشت آن لائن سرجمیں ادب ، شائر ، نودربر ، سیاستدان ، ھسکار اے چُک ءُ کماشانی منت وار ایں کہ آھاں سارتی ءُ ھور ءَ اَبید زانتی سکین ءِ ھاتر ءَ بھر زورگ مئے اھمت ءُ جزبگاں جان مان کتگ.

آئی ءَ گْوشتگ کہ کتاب میلہ ءِ وھد ءَ مئے وشی ھما وھد ءَ بیت کہ وھدے یک کماشے یا کہ چُکے بھر بزور اَنت کتاب ءَ بہ شوھاز اَنت بہ چار اَنت یا کہ ریڈی، گیرج ءُ دگہ کار ءُ بار ءَ سیادی داروکیں مردم وتی بھر ءَ مان کن اَنت.

آئی ءَ گوشتگ کہ مئے واستا پھری گپ اِش اِنت کہ ھمے جُھد بندات 2020 ءَ ایوک کتگ مروچی جتائیں کتاب اسٹالزاں نوکیں سال ءِ بنداتی ءَ کتاب میلہ جتگ ءُ مئے سوچ ءُ ھیال ءِ یکجاھی کتگ ءُ اے گپ نشانی اِنت کہ ھرچ جوانیں کردار منزل الّم رس اِیت.

آئی ءَ گْوشتگ کہ اگاں مردم اے وڑ مئے دلبڈی ءَ بدے اَنت گُڑا آ روچ دور نہ اِنت کہ سرجمیں بلوچستان ءِ ھمراھی ءَ درانڈیھاں ھم اے روچ کتاب روچ برجم دارگ بیت ءُ سرجمیں جھان ءَ چہ کتاب ءِ واھگدار اے روچ ءَ یکجاہ بہ بنت ءُ اے روچ ءَ برجم دار ایں اے روچ ءَ کتاب روچ نام ءَ برجم دارگ بیت.

آئی ءَ گْوشتگ کہ اے گپ ھم مئے سوبمندی ءِ یک نشانی یے ایش اِنت کہ مردم مئے جزبگ ، ھُب ءُ جزبگانی کدر ءَ کنگ ءُ اے چوک ءِ نام ءَ بدل کنگ ءِ گپ ءَ کنگ ءَ اَنت کہ اود ءَ ما گوستگیں سے سالاں چہ کتاب میلہ برجم دارگ ءَ ایں ءُ اے گپ دلگوشی ءَ چہ اے گوشگ ءَ اَنت کہ اے چوک ءِ نام ءَ کتاب چوک کنگ بہ بیت.

آئی ءَ گْوشتگ کہ ما کتاب میراث جُھد ءَ ھوار سرجمیں سنگتاں اے نامی ئیں کرد ءَ داد دیگ بیت ھاسکار پڑو ادبی کچاری ءِ سرجمیں سنگتاں کہ آیاں وتی جند زاتی کار ءُ چلوپگاں یل کن اَنت اے روچ ءَ اھمت ءُ جزبگ ءَ گوں کار کن اَنت.

سرچمگ: دی بلوچستان پوست


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *