مروچی :جمعه, ۱۰ فروردین , ۱۴۰۳
مولانا عبدالحمید ماں زاهدان ءِ جمعه نمازے دیوان ءَ:

سستی مردمانی حقے تها ماں دنیا ءُ آخرت ءَ بدێں آسراتے دار ایت

سستی مردمانی حقے تها ماں دنیا ءُ آخرت ءَ بدێں آسراتے دار ایت

شیخ‌الاسلام مولانا عبدالحمید، ماں زاهدان ءِ جمعه نمازے دیوان ءَ (12 آذرماه 1400/ 3 دسمبر 2021) گۆں اشاره به انسانی حقانی ارزشت ءَ ماں اسلام ءَ، شه سستی ماں انسانی حقانی آسراتاں ماں دنیا ۆ آخرت ءَ ڈاه دات.

په زاهدانِ اهل‌سنتے جمعه‌وے پیشنمازے کارگسے هال‌رسانی‌ئے بنجاهے سرهالا، شیخ‌الاسلام مولانا عبدالحمید پد شه اے آیتے وانگا: «وَأَنَّ هَذَا صِرَاطِي مُسْتَقِيمًا فَاتَّبِعُوهُ وَلَا تَتَّبِعُوا السُّبُلَ فَتَفَرَّقَ بِكُمْ عَنْ سَبِيلِهِ ذَلِكُمْ وَصَّاكُمْ بِهِ لَعَلَّكُمْ تَتَّقُونَ» [انعام: 153] درشان ئِے کرت: پێسر شه پیغمبر صلّی‌الله‌علیه‌وسلّم ءِ بعثت ءَ ءُ قرآنے اێر آیگ ءَ، انساناں گۆں نازانتی ءُ گمراهی ءَ زند ءَ گوازێنت. آوان جوانی ءُ رڈی ئے دگری ءَ را نه زانت، تچکێں راه ءَ را بلد نه ات اَنت، شه نفس ءُ شیطان ءَ رندگیری اش کرتگ ءُ ماں باز رڈێں جاور ءِ بوتگ اَنت. ماں چشێں جاورے الله پاک ءَ په انساناں رحم کرت ءُ گهترێں کتاب ءُ رهشۆن ءَ را په مردماں دێم دات ءُ ابرمی ۆ تچکێں راه ءَ را انسانانی دێم ءَ هشت ئِے.

واجه ءَ گێش کرت: قرآن مجید آخری ءُ پوره‌ئێں آسمانی کتاب اِنت که انسانانی پوره‌ئێں جستانی پسۆ ءُ نیازان اۆد ءَ هست اَنت. الله پاک ءَ وتی یکّویی، مزنی ۆ وتی دادان ءَ که انسانانی داتگ ماں قرآن ءَ بیان کرتگ.

زاهدان ءِ جمعه ءِ خطیب ءَ درشان کرت: مرۆچی مسلمانان گهترێں ۆ پوره‌ترێں کتاب ۆ پوره‌ترێں سیرتے واهند اَنت که گۆں پدگیری شه آوان به سۆبمندی ءَ رس اَنت، بلێں افسوز اِنت که انساناں تچکێں راه ءُ نێکێن مردمانی پدگیری ئِے بدل ءَ شه شیطان ءُ نفس ءِ لۆٹاں پدگیری ءَ کن اَنت، وهدےکه انسان وتی نفس ءُ شیطان ءَ پدگیری کنت نه تهنا آخرت ءَ که وتی دنیا ءَ هم خراب کنت.

🔹یک انسانے قتل چۆ بوت تیوگێں انسانانی قتل انت

زاهدان ءِ جمعه ءِ امام ءَ ماں دگه بهرے شه وتی هبران وتی دلپدردی ۆ بژن ءَ شه قتلے باز بیگ ءَ ماں چاگرد ءَ درشان کرت ۆ گوشت ئِے: افسوز اِنت که مرۆچی ناحقێں قتل ماں چاگرد ءَ باز بوتگ، وهدےکه ناحقێں قتل پد شه «شرک» ءَ ٹوهترێں گناه اِنت. ماں قرآن مجید ءَ هست که: «مَنْ قَتَلَ نَفْسًا بِغَيْرِ نَفْسٍ أَوْ فَسَادٍ فِي الْأَرْضِ فَكَأَنَّمَا قَتَلَ النَّاسَ جَمِيعًا وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا» [مائدة: 32] هرکسے بکش ایت یک کسے ءَ بغیر چه قصاص ءَ یا بغیر چه فساد کنگ ءَ ماں زمین ءَ گڑا چۆ بوت که آیی ءَ درستێں مردم کشت انت ءُ هرکسی ءَ که بچّێنیت یک کسے ءَ چه کشگ ءَ گڑا چۆ بوت که درستێں مردمی زندگ کت انت.

واجه ءَ گێش کرت: دنیا ءِ سرجمێں دۆد ۆ دینان ءَ چار ات که کجامی گوشتگ یک انسانے کشگ برابر اِنت گۆں تیوگێں انسانانی کشگ ءَ ۆ یک انسانے بچێنگ برابر انت گۆں درستێں انسانانی بچێنگ ءَ، بلێں ماں اسلامے تعالیم ءُ ماں قرآن مجید ءَ اے چیز هست.

دارالعلوم زاهدان ءِ سرمستر ءَ گوشت: اگاں هوارێن استمانی گل ءَ وتی دروازگے سر ءَ مبارکێں سوره مائده ءِ 32می آیت ءَ یا دگه آیت شه قرآن پاک ءَ نبشتێں باز جوان ءَ بوت ءُ آ هوربند ءِ اعتبار گێش ءَ بوت. بلێں افسوز اِنت که آ هوربند شه وتی اصلی‌ئێں مول ءُ مراد ءَ که رسیدگی به سرجمێں استمانانی لۆٹ ءُ مشکلان اِنت، دور بوتگ.

🔹خدابیامرزێں حاجی کریم‌بخش گمشادزهی ءِ قتلے بن‌گپ شه کانودی راهاں رندگیری بیت

شیخ‌الاسلام مولانا عبدالحمید ماں وتی هبرانی گڈسر ءَ گۆں اشاره به یکے شه ڈیه ئے کماش ۆ اسپێت ریشانی قتل ءَ په آیی دعای کرت ءُ شه الله ءَ پرایی بکشش ۆ برزێں درجه لۆٹ ات ئِے. واجه ءَ درشان کرت: حاجی کریم‌بخش گمشادزهی ءِ قتل ءَ باز مئے دل ءَ را په دردِ کرت. آ خدابیامرز خیرلۆٹ ۆ صلح لۆٹێں انسانےات که په سیمسرانی امنیت ءَ باز اثردار ات، چشێں انسانانی قتل په چاگرد ءَ مزنێں نقصانے.

واجه ءَ گوشت: امێت دار اێں که الله پاک حاجی کریم بخش گمشادزهی ءِ شهادت ءَ فتنه ءِ سبب ماں اے ڈیه ءَ مه کنت. مئے سۆگه په درستێں مردماں اێش اِنت که امنیت ءَ حفظ کن انت ۆ اے مسئله ءَ شه کانودی راهاں رندگیری کن انت.


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *