مروچی : 14 آذر , 1400

گوادر: بلوچستان ءَ پوج دودماناں لگتمال کنگ ءَ اِنت. نندانک ءِ زھرشانی ءَ نندوکیں مردمانی تران

گوادر: بلوچستان ءَ پوج دودماناں لگتمال کنگ ءَ اِنت. نندانک ءِ زھرشانی ءَ نندوکیں مردمانی تران

بلوچستان ءِ تیابدپی شھر گوادر ءَ وتی ھکانی لوٹانی واستا «بلوچستان ءَ حق دو ٹحریک» ءَ بیستمی روچ سرجم بیتگ، نندانک ءَ چہ کراچی ءَ بلوچ زالبول ءُ پنجگور ءَ بازیں کچے ءَ مردماں اتکگ ءُ بھر زرتگ ءُ ھمسنتی درشان کتگ.

زھرشانی نندانک ءَ تران کنان ءَ آیاں گوشتگ کہ لوٹانی سرجم ءُ آیانی سر ءَ سرجمی کنگ ءَ داں جد ءُ جھد برجاہ بیت اِنت.

آیاں گُشتگ کہ اگاں اد ءَ نشتگیں کجام ھم مردم ءَ تُشیں تاوان بیت گڑا آئی ءِ زمہ وار انیگیں سرکار ءُ آئی ءِ آروکیں بی این پی مینگل ءُ جمعیت علمائے اسلام ءِ سر ءَ بیت اِنت.

آیاں گوشتگ ما وھدیکہ وتی ھکانی لوٹ ءَ کن ایں مارا گوش اَنت شما انڈیا ءِ ایجنٹے.

نندانک ءِ سروک مولانا ھدایت الرھمان ءَ گوشتگ کہ سُر ءِ دمگ ءَ یک ٹاورے ھست ءُ اود ءَ پوجی ھمے ٹاور ءَ سر کپ اَنت ءُ جھل ءَ بلوچانی لوگ اَنت. آئی ءَ گشتگ کہ پنجاپ ءِ دودانی بلکیں اے بیت کنت بلے بلوچ دودماناں ھچ رنگ ءَ بیت نہ کنت تو مئے لوگانی سر ءَ سَرک ءُ سُلک بہ کن. اُستانی وزیراں دورگ ءِ پُشت ءَ دروگ کرتگ کہ میڈیا ءِ دیم ءَ کاینت گوش اَنت اشانی لوٹ منگ بیتگ اَنت بلے تنی وھدی ھچ چوشیں چیز پدر نہ بیتگ کہ آیانی منّگ ءَ پد ھما وڑ بیتگ.

آئی ءَ گُشتگ کہ اے نندانک برجاہ بیت اِنت اگاں پولیس، پوج ءُ دگہ تاکت کارمرد کنگ ءَ ما ھچ رنگ ءَ وتی ھکاں چہ دزکش نہ بہ ایں .

آئی ءَ گُشتگ کہ باندا گوادر، پنجگور ءُ تربت ءَ چیک پوسٹانی لسٹ شنگ کنگ بیت اِنت ءُ اے چارگ بیت اِنت اد ءَ پرائمری اسکول گیشتر اَنت یا چیک پوسٹ.

ھمے وڑ گوستگیں شپ ءَ بلوچستان پولیس بازیں کچے ءَ نندانکی زھرشانی جاہ شتگ ءُ زھرشانی کنوکانی گوشگ اِنت پولیس ءَ زھرشانی نندانک وتی انگیر ءَ زرتگ .

سرچمگ: دی بلوچستان پست


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *