مروچی : ۷ آذر , ۱۴۰۰
مولانا عبدالحمید ماں زاهدان ءِ جمعه نمازے دیوان ءَ:

دنیا په عدالت ءِ اجرا ءَ به پیغمبر صلّی‌الله‌علیه‌وسلّم ءِ سیرت ءَ وازمندگ اِنت

دنیا په عدالت ءِ اجرا ءَ به پیغمبر صلّی‌الله‌علیه‌وسلّم ءِ سیرت ءَ وازمندگ اِنت

شیخ‌الاسلام مولانا عبدالحمید ماں زاهدان ءِ جمعه نمازے دیوان ءَ (۵ آذر ۱۴۰۰/ 26 نومبر 2021) گۆں اشاره به تیوگێں پیغمبراں ءُ هاس واجه رسول الله صلّی‌الله‌علیه‌وسلم ءِ سیرتے برزێں بستار ءَ ماں پراهدلی ءُ عدالتے اجرا ءَ دنیائے مردم، حکومت ءُ دولتانی ذمه‌واران ءَ په پدگیری شه پیغمبرانی سیرت ءَ سۆکه کرت.

په زاهدان ءِ اهل‌سنتے جمعه‌ئے پیشنمازے کارگسے هال‌رسانی‌ئے بنجاهے سرهالا، شیخ‌الاسلام مولانا عبدالحمید درشان کرت: په دنیائے مردماں، گهترێں سیرت ءُ رهبند، واجه رسول الله صلّی‌الله‌علیه‌وسلّم ءِ سیرت اِنت. دنیا ءَ ماں نونێں زمانگ ءَ ماں زندگی ءَ باز دێمرئی کرتگ، بلێں چیزی که اے دێماشتگێں دنیا کم دار ایت، پدگیری شه پیامبر ءُ نێکانی وش‌تبی ءُ سیرت ءَ اِنت. افسوز اِنت که آ استمانان که وت ءَ شه آدگه استمانان گهتر ءُ دێماتر ءَ زان اَنت، شه وش‌تبی ءِ بابت ءَ کمی دار اَنت.

واجه ءَ درشان کرت: الله پاک ءَ مهتر ابراهیم علیه‌السّلام ءُ واجه رسول الله صلّی‌الله‌علیه‌وسلّم ءَ را په دنیا ءِ مردماں ءُ آوان که به آخرت ءَ باور دار اَنت، گهترین الگو پجاروکی کرتگ. تاں وهدےکه انسانان شه مهتر ابراهیم علیه‌السّلام ءُ مهتر رسول الله صلّی‌الله‌علیه‌وسلّم ءَ پدگیری مه کن اَنت، وتی گواچنی‌ئێں جاگه ءَ نه رس اَنت.

دار العلوم زاهدان ءِ سرمستر ءَ گوشت: واجه رسول الله صلّی‌الله‌علیه‌وسلم ءِ زندگی ئے وڑوڑێں بهراں په امّا الگو ءُ نمونگ اَنت، دنیا ئے تیوگێں مردماں شه سیاست‌زانت، دولتانی ذمه‌وار ءُ استاندار ءُ لس مهلوکاں ءُ پهکێں حکومتاں په وتی سۆبمندی ءَ باید شه پیامبرانی سیرت ءُ واجه رسول الله صلّی‌الله‌علیه‌وسلم ءُ صحابه ءُ اهل‌بیتانی سیرت ءَ رندگیری کن اَنت.

🔹 راجکماشے شَوردهۆک قوم ءُ مذهبانی بارو ءَ، باید مردمانی لۆٹان ءَ رندگیری کنت

شیخ‌الاسلام مولانا عبدالحمید ماں دگه بهرے شه وتی هبراں گۆں اشاره به راجکماش ءِ شَوردهۆکے سفر ءَ به زاهدان ءَ، شه آیی انتصاب ءَ وتی وشالی ءَ را درشان کرت ءُ گوشت ئِے: واجه ماموستا ڈاکٹر عبدالسلام کریمی هم حوزوی ۆ هم مزن‌شهدربرجاهی وانندَگ ءُ وسی‌ئێں انسانے که زلورت ءُ نیاز ءُ مسائلان ءَ په جوانی ءَ زانت.

زاهدان ءِ جمعه ئے امام ءَ گوشت ما کسے را که بس نامِ شَوردهۆک بیت، نه لۆٹ اێں، شوردهۆک باید دولت ءُ استمانے کۆپگ بیت، دولت ءُ استمانے نیام ءَ رابط  ءُ خیرے سبب بیت، دولتے مشکلان ءَ په مردمان رسێن ایت ءُ مردمانی لۆٹ ءُ مشکلان ءَ رندگیری کنت. امێتوار اێں آوان که اے بارو ءَ اگده دار اَنت وتی اگده ءِ سر ءَ په جوانی عمل کن اَنت.


چمشانک

دیدگاهتان را بنویسید

نشانی ایمیل شما منتشر نخواهد شد.