مروچی : 30 آبان , 1400
مولانا عبدالحمید ماں زاهدان ءِ جمعه نماز ءِ دیوان ءَ:

چاگردے که گۆں فساد ءَ آماچ بیت ءُ گناهان ءَ نادلگۆش کنت، آیرا الله ءِ عذاب پاترپ دنت

چاگردے که گۆں فساد ءَ آماچ بیت ءُ گناهان ءَ نادلگۆش کنت، آیرا الله ءِ عذاب پاترپ دنت

شیخ‌الاسلام مولانا عبدالحمید، ماں زاهدان ءِ جمعه نماز ءِ دیوان ءَ (28 آبان 1400/ 19 نومبر 2021) شه فساد ءُ گناهانی گندگێں برورداں ۆ مردمانی نا دلگوشی ءَ گناهانی بارو ءَ ڈاه دات ۆ په دێمداری شه گناه ۆ فساد ءَ ءُ فرمان به نێکی ءَ ءُ مکن شه بدی ءَ سک سۆگه ئِے کرت.

په زاهدان ءِ اهل‌سنت ءِ جمعه‌ئے پیشنمازے کارگس ءِ هال‌رسانی‌ئے بنجاهے سرهالا، شیخ‌الاسلام مولانا عبدالحمید درشان کرت: چاگردے که گۆں فساد ءُ گناهاں آماچ بیت هچ بر امان نه دار ایت، هاس وهدےکه آ چاگردے مردماں گناهانی بارو ءَ نادلگۆش بَےاَنت ۆ به وتی اگده ءَ که فرمان به نێکی ۆ مکن شه بدی ءَ انت، عمل مه کن اَنت.

واجه ءَ گێش کرت: چاگردے که اۆد ءَ دزّی، نشه یی، بےحیایی، قتل، الکلی مشروباتانی ورگ ۆ جنێن ۆ یتیمانی حق پادمالی ءَ بےاَنت ءُ دگه گناه ءُ فساد بیت، چشێں چاگردے گۆں الله ءِ عذاباں آماچ بیت ءُ معلوم نه‌انت که سهب ءَ یا شپ ءَ وهدےکه مردم واب اَنت الله ءِ عذاب بئیت.

زاهدان ءِ جمعه ءِ امام ءَ گوشت: نونێں زمان ءَ گێشتری ئێں عذاباں سهب ءَ که مردم واب اَنت اێر کاینت که مردم ءَ نه توان اَنت جی اَنت ۆ وت ءَ رکّێن اَنت. اگاں جای عذاب رۆچ ءَ بئیت، بزان الله ءَ نه لۆٹ اتگ که اۆد ءِ مردمان ءَ عذاب دنت، بلکه لۆٹ اتگ آوان ءَ ڈاه دنت.

واجه ءَ گوشت: اگاں الله ءِ حق ۆ مردمانی حق کمار کنگ مه بےاَنت، چاگرد گۆں ڈگارچنڈ، ڈکال، سیل، آچش گرگ، کرونا ۆ دگه پێشامداں که چهرگ ءَ سبب دار انت، بلێں چوناهیءَ گرد شه الله ءِ نێمگ ءَ اَنت، پچےکه الله «مسبب الاسباب» اِنت.

زاهدان ءِ جمعه ءِ خطیب ءَ وتی هبرانی دێمتر ءَ به مسلمانانی اگده ءَ ماں چاگردے اصلاح ءَ اشاره کرت ۆ گوشت ئِے: اگاں چاگردے مردمان گناه ۆ فسادانی دێم ءَ مه گر اَنت، گڑا الله ءِ عذاب آوان ءَ پاترپ ءَ دنت. وهدےکه نماز وانگ مه‌بےاَنت، زکات دیگ مه‌بےاَنت ءُ الله ءُ مردمانی حقان پادمالی بےاَنت، مسلماناں نباید بےترانگ بےاَنت.

واجه ءَ گوشت: یکے شه مزنێں اگدهاں که الله ءَ مسلمانانی بڈ ءَ هشتگ، مردم ۆ چاگردے اصلاح اِنت. ما گرد باید وتی اگده ءِ سرا عمل کن اێں ۆ په فرمان به نێکی ۆ مکن شه بدی ءَ جهد کن ایں.

🔹 انتظامی واکاں وتی اگده ءِ رد ءَ زاهدان ءِ دزّانی دێم ءَ گر اَنت

شیخ‌الاسلام مولانا عبدالحمید ماں دگه بهرے شه وتی هبراں زاهدان شهرے دُزّیانی بارو ءَ وتی بژن ءَ درشان کرت ءُ گوشت ئِے: هالانی رد ءَ ماں زاهدان ءَ دزّی گێش بوتگ ۆ موتورسواراں گۆں مردمانی پاترپ ءَ آوانی زَرّ ءُ موبایلان ءَ دزّ اَنت که اے باز رڈێں کردے.

واجه ءَ گوشت: اے که لهتے لاجونڈ ۆ لات ءَ هێمات کرتگ که شهر ءَ ناامن کن اَنت، اێشی مئے اگده ءَ را گران کرتگ، پچےکه اگاں مردم ۆ انتظامی واکان وتی اگده ءِ رد ءَ کرد کن اَنت هچ مشکلے شهرے تها جۆڑ ءَ نه بیت.

🔹ورنائاں کار ۆ دند ءَ ۆ حلالێں رۆزی ءِ پد ءَ برئو اَنت

مولانا عبدالحمید وتی هبرانی گڈسر ءَ ورنائانی کارءُبارانی بارو ءَ سکّ سۆگه کرت ۆ گوشت ئِے: اگاں ماں چاگردے کارءُبار مه بیت، آ چاگردے تها گناه ۆ فساد ۆ دزّی باز ءَ بیت، پرے واستا من دولت ۆ ذمه‌وار ۆ مردمان ءَ سکّ سوگه ءَ کن آن که جهد کن ات تاں په ورنائان کار درگێج اِت.

واجه ءَ گوشت ورنائان نباید بےکار بےاَنت، بلکه باید کار ۆ شغل ءِ یات گرگے پدا برئو اَنت، ماں فنی حرفه ای ءِ هێلکاری کارگاهاں بهر زور اَنت ۆ کار یات گر انت ۆ حلالێں روزی کٹ اَنت.

زاهدان ءِ جمعه ءِ امام ءَ په حلالێں رۆزی ءَ سۆگه کرت ۆ درشان ئِے کرت: یکے شه باز مهمێں فرایضاں حلالێں روزی اِنت. درّێں مردماں په کمێں بلێں حلالێں رۆزی ءَ راضی بےاَنت ۆ شه حرامێں کٹ ءَ پلگار کن اَنت. حرامێں رۆزی انسانے زندگی ءَ تباه کنت ۆ اے باز ٹوهێں ظلمے که لۆگمان ءِ کسترپاد وتی زهگان ءَ حرامێں نان دنت.


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

نوکتریں