مروچی : 10 مرداد , 1400

گوادر: آپ ءُ بجلی ءِ واستا دومی روچ ءَ زھرشانی نندانک برجاہ

گوادر: آپ ءُ بجلی ءِ واستا دومی روچ ءَ زھرشانی نندانک برجاہ

بلوچستان ءِ تیابدپی شھر گوادر ءَ آپ ءُ بجلی ءِ نہ بوگ ءِ سر ءَ مروچی دومی روچ ءَ گوادر میرین ڈرائیو ءَ زھرشانی نندانک برجاہ اِنت.

نندانک آل پارٹیز گوادر ءِ نیمگ ءَ بندات کنگ بیتگ، زھرشانی ءَ دگ بند کنگ بیتگ ءُ روگ ءُ آیگی مھتل اَنت.

آل پارٹیز رھشونانی گوشگ اِنت کہ تنا وھدی کیسکو واپڈا ءُ مھکمہ پبلک ھیلتھ ءِ نیمگ ءَ الکاپیں سدکی نہ بنت ءُ بجلی ءُ آپ وھد ءِ سر ءَ نہ رس اِت اَنت تنا وھد ءَ مئے زھرشانی نندانک برجاہ مان اِت.

زانگ بہ بیت چریشی ءَ دو روچ پیسر گوادر ءَ آپ ءُ بجلیانی نہ بوگ ءِ سر ءَ مھلوک برانز گپتگ ءُ سرجمیں شھر ءِ دگ بند کرتگ ءُ دگانی سر ءَ ٹائر مانداشتگ اَنت.

ھمے وڑ دو روچ پیسر زھرشانی کنوکاں ایکسپریس وے ءِ کار ھم بند کرتگ اَت ءُ چریشی ءَ مھلوک ءَ لوٹ کرتگ اَت کہ سرکار گوادر ءِ مھلوک ءَ تن ءُ تھارکی ءَ دور دنت ءُ آ باید اِد ءَ مزنیں دگ مہ کش ایت.

گوادر ءِ مھلوک ءِ لوٹ اِنت کہ گوادر ءَ آپ ءُ بجلی دلجمی ءَ پُجارینگ بہ بنت.

سرچمگ: دی بلوچستان پوسٹ


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *