شیخ‌الاسلام مولانا عبدالحمید ماں زاهدان جمعه نمازے دیوانا (1 اسفند 1399/ 19 فبروری 2021)، « رهبندے درگێجگ ۆ کوشست په زهگان صحیح اێں آپسله ۆ سبکّ ۆ دیانت ءَ» را شه سۆبمندێں گسےمردمانِ هژدری اێں ساڑایگان زانت ۆ تأکیدِ کرت که پسّ ۆ ماس ۆ گسےمردمانِ اگده‌داران اے باروا دلگوش کن اَنت.
په زاهدانِ اهل‌سنتے جمعه‌وے پیشنمازے کارگسے هال‌رسانی‌ئے بنجاهے سرهالا، شیخ‌الاسلام مولانا عبدالحمید پد شه اے آیتے وانگا «يَا أَيُّهَا الَّذِينَ آمَنُوا قُوا أَنْفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ عَلَيْهَا مَلَائِكَةٌ غِلَاظٌ شِدَادٌ لَا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ» [تحریم: 6] درشان کرت: الله تعالی ما را پرمان داته که په وتی ۆ وتی زهگانِ رکّێنگ ءَ جهد کنان. اگه ما تهنا وتی پکرا به اێن ۆ وتی زهگانِ نماز ۆ کرداران ءَ دلگوش مه کن اێں، به وتی اگده ءَ عملن نه کرته. مئے اگده په مئے جندے ۆ مئے زهگانِ رکّێنگ ءَ باز گران اِنت. ما باید کۆشست کن اێں وتی زهگانَ سبکّے نێمگ ءَ تێلانک دَئێں تاں مئے زهگان علم ۆ قرآن یات گر اَنت.
واجه‌ئا گوشت: قرآن، اسلامَے حقانیتے سند اِنت ۆ پهکێں آسمانی اێں کتابانِ مجگ اِنت. اگه الله تعالی قرآنا را کوهے سرا اێر آورت اێں آ کوه چُک‌چُک ءَ بوت. وختے کوه ءَ نه توانت قرآن ءَ سگّ اِیت، انسان باید الله پاکے دێما ۆ قرآنے مزنی ئے سرا وتی سرجهلی ءَ منّ اِیت ۆ به قرآنے ردا کرد کنت. قرآن آسان اِنت ۆ یات گرگے پڑِ هم تیار اِنت، پمێشا زانشجاهے استاذان ۆ وڑ وڑێن پاٹیان قرآن ءَ یات گر اِنت، پچے که قرآن هدایتے کتاب ۆ انسان‌ساچ اێں کتابے که انسان ءَ گوں الله ءَ نزّیکَ کنت.
زاهدان جمعه ئے اماما وتی هبرانَ دێمترا برت: شه وتی زهگان بےترانگ مه‌بئِت، تهنا آوانِ آرۆس، ماشین، کٹ‌ۆکار، سوات ۆ دنیائے پکرا مه بئت، بلکه ابید شه اێشان آوان هدایت، دین، حیا ۆ صحیح اێں آپسله ئے پکرےاش هم بئِت. آوانَ اسلامی ۆ انسانی آپسله کنت. زهگان شمے هنتکان ۆ جاه نند اَنت، آوان سۆگه کنت، آوانَ په سهبے نمازا پاد کنت ۆ گوں وت په جمعه ۆ ائیدے نماز ۆ دینی ۆ قرآنی دیوانان بر اِت. وهدےکه په تبلیغ ۆ سُهلے دیوانان یا نێکێن کاران نێمگا رَئِت، وتی زهگان ءَ گوں وت بر اِت.
واجه‌ئا گێش کرت: وتی ۆ وتی گسےمردمانِ رکّێنگ ءِ پکرا شه جهندم ءَ بئت؛ همے بےنمازی، کاهل نمازی، زنا، قتل، مۆک، ربا، گناه ۆ رڈێں کرداران قیامتے رۆچا به جهندم ءَ بدلَ به ینت ۆ همے نێکێں کرداران به گلباگ ۆ بهشت ءَ بدلَ به ینت. ورنایانَ دلگوش کنت ۆ په علم ۆ سبکّ ۆ کٹ‌ۆکارے نێمگ ءَ تێلانک اِش دئِت. نباید مئے زهگان بےکار به‌ینت، بلکه باید کٹ‌ۆکار یات گِر اَنت. حلالێں رۆزی ئے کٹّتن عبادتے ۆ الله پاکے وشنودی ئے سبب ءَ بیت. زهگانَ یله مه دیت که گوں لاچونڈێں ورنایان کارچ‌کُٹّی ۆ بدتَبی یات گر اَنت ۆ دزّی ۆ نشه ئی موادان نێمگ ءَ کشگ به ینت، بلکه باید پسّ ماس ۆ مزنێن مردمانِ دێما رُد اَنت ۆ آپسله به‌ینت. گوں زهگان ۆ ورنایان مهر کنت ۆ آوانِ عزت ءَ سات اِت.
دارالعلوم زاهدان سرمستر ءَ گێش کرت: ورنایان ارزشت‌دار ۆ مئے اصلی اێں هنتکان ۆ وارث اَنت، گهتر انت که آوان شه امّا علم ۆ وش‌تبی ۆ تقوا ءَ گُڈّ بر اَنت، پچے که گهترێں گڈ هنتکان ۆ زرّ نه اِنت، بلکه گهترێں گڈ ایمان ۆ تقوا ۆ صحیح اێں آپسله ۆ علم اِنت. گهترێں گسےمردم آ اِنت که په وتی زهگان درس ۆ دیانت ۆ آپسله ءَ ارزشت به هِلّ ایت.
واجه‌ئا درّائێنت: جنێنانِ رکّێنگ شه امّے اگده‌ئان اِنت. بازێنے شه جنێنان شرعی مسائلانِ ارزشت ءَ دلگوش ءَ نه کن اَنت، گوں گران‌قیمت اێں پچّان درآمدان دێما کاینت، مردێنان هم بےمۆچ اَنت، وهدےکه هر جَنێنے وتی آبُربندگانَ درآمد ۆ نامحرمانَ نشان دنت باز ٹۆهێن گناهے کرتهِ، آبربندگانِ نشان داتن به درآمد ۆ نامحرمان حرام اِنت ۆ ٹوهێن گناهے ۆ اێرنگێن عاجزه گوں الله ئے عذابان آماچَ بیت ۆ آیی اگده‌دار هم آیی گناهے باروا سۆج ءَ بیت.
زاهدان جمعه ئے اماما وتی هبرانِ گڈسرا درشان کرت: مرۆچی آرۆسی دیوانانِ تها هلاپ شرع ۆ گناه آته. اپسوز اِنت که بازێن بےهیال‌بوتگێن گناهان دوارگ نۆک بوتگ اَنت. ٹگارچنڈ، سیل آپ، ڈکّال ۆ دگه سکّیانِ سبب همێش اَنت که مئے کرداران نابرابر ۆ بےانصاف بوتگ اَنت، الله ئا را نادلگوشن کرته، ما باید توبه کنێن ۆ تصمیم گرێں وتی زندمان ءَ بدل کنێں، گوں الله ئا رهوت گرێں ۆ شه گناهان دور به ئێں.
چمشانک