سنی‌آنلاین| پاکستانا شه بهارتا لوٹت که میان استمانی منّگنامه‌ئان ردا اقلیت ۆ هاس مسلمانانِ امنیتا ساتیت ۆ به وتی میان استمانی‌ئێن اگده‌ئان عمل کنت.
په سنی‌آنلاین سرهالا به نقل شه ایکنا، پاکستانے ڈنےکاران وزیرا ماں جارنامگے جار جت: 28 سال پێش شش دسمبرا تْرُندێن هندوان گوں دولتے پلامرزیا چنکه قرنے مسیتے را ماں آیودیا ڈالێنتِش که اے کار میان استمانی‌ئێن قانودان هلاپا اَت.
همےرنگ ماں اے جارنامگا پاکستانا شه میان استمانی‌ئێن هوربندان لوٹته که په اسلامی‌ئێن پد ۆ نشانان ساتگا ماں بهارتا جهد کننت ۆ مسلمانان امنیتے باروا ماں آ ملکا به وتی اگده‌ئا عمل کننت.
پاکستانے ڈنےکاران وزیرا همےپێم گوَشت: نه تهنا مسلمانان، بلکێن دنیاوے تیوگێن آزات‌لوٹێن مردمان بابریءِ مسیتے ڈالێنگا ماں 1992ئا هۆشَ دَیَنت.
اے بیانیه‌ئے تها آته: بهارت مزن آمیدگسے رای ماں 2019ئا بابری مسیتے باروا نشانَ دنت که دینی‌ئێن تعصب شه عدالت ۆ برابریا زۆراک‌اَنت ۆ افراط‌گری ۆ ترُندی ماں بهارتا رۆچ‌په‌رۆچ بازَ بیت ۆ مسلمانانِ عبادتجاه ۆ مسیتانِ سرا اُرشَ بیت.
اسلامی ملکان همکاری‌ئے هوربندا تاریخی‌ئێن مسیتان ڈالێنگا را رِڈّێن کردے زانتَ ۆ اے کردا را سکّ اێرِ جتَه. اے هوربندا مان وتی چل‌ۆهپتمی‌ئێن دیوانا شه بهارتِ دولتا لوٹتَه که به وتی اگده‌ئا ماں بابریءِ مسیتے جوڑ کنگا به اصلی‌ئێن جائے سرے، عمل کنت ۆ آ مسیتے ڈالێنۆکانَ مجازات کنت.
چمشانک