مروچی : 22 مهر , 1399

مولانا دکتر عبدالحلیم چشتی وفات کرت

مولانا دکتر عبدالحلیم چشتی وفات کرت

سنی‌آنلاین| مولانا دکتر عبدالحلیم چشتی، یکّے شه پاکستانے نامدارێن پاگواجه‌ئان دوشمّی (21 مهر 1399/ 12 اکتوبر 2020) ماں 91 سالگیا دنیائا یل کرت و دێم پہ وتی ابدمانێں جاھا رھدگ بوت.
په «سنی‌آنلاین» سرهالا به نکل شه کراچی‌ءِ جایی‌ئێن سرچمگان، مولانا دکتر عبدالحلیم چشتی مدتے شه ناجوڑی‌ئے سوَبَا گس‌نند بوته. آ خدابیامرز گوں مزنێن عمرا انگت «جامعه علوم اسلامیه علامه بنوری ٹاونِ» حدیثے پٹ ۆ پۆلے بخشے اگده‌دار بوته ۆ ماں پاکستانے کراچی جامعة الرشیدا گوں حدیثے سبکّا گٹ بوته.
مولانا دکتر چشتی 16 آپریل 1929 ماں جی‌پور هندا ودی بوت. آ واجه شه 1363 دان 1369 قمریا ماں دارالعلوم دیوبندا گوں دینی علمے کٹتنا گٹ بوته ۆ ماں هما شهدربرجاها سبکّا را هلاسِ کرته. مولانا چشتی ماں هما مزنێن علمی‌ئێن بنجاها شه نامدارێن پاگواجه‌ئان چۆ مولانا حسین‌احمد مدنی، مولانا ابراهیم بلیاوی، مولانا اعزازعلی و مولانا ادریس کاندهلوی رحمهم‌الله‌ئا علم کٹته.
دکتر چشتی پد شه پاکستانے بن‌هشتا به هما ملکا آته ۆ ماں کراچی‌ءِ شهرا وتی درسانَ دێماءِ برته. آ واجه ماں علوم دینی ۆ کتابداری‌ئے رشته‌ئا دو کارشناسی ارشدے سند شه کراچی‌ءِ شهدربرجاها داریت ۆ ائولی نپرےوت که ماں 1981آ ماں کتابداری‌ئے رشته‌ئا شه آ شهدربرجاها دکتراوے سندِ گپت. مولانا چشتی بازێن سالے کراچی‌ءِ شهدربرجاهے کتاب‌گسا هزمت کرته. علوم حدیثے درس دیگ ماں دو کراچی‌ءِ ٹوهین تعلیمی‌ئێن بنجاها ۆ ده‌ها علمی‌ئێن کتابے لکگ ۆ صدها شاگردا ماں علوم حدیثا کاربلد کنگ شه آ واجه‌ئے هزمتاننت.


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *