مروچی : 20 مهر , 1399

مولانا محمد عادل‌خان، کراچی‌ءِ جامعه فاروقیه‌ءِ سرمستر ترور کنگ بوت

مولانا محمد عادل‌خان، کراچی‌ءِ جامعه فاروقیه‌ءِ سرمستر ترور کنگ بوت

سنی‌آنلاین| مولانا دکتر محمد عادل‌خان، پاکستانے کراچی‌ءِ جامعه فاروقیهءِ سرمستر، زی شامے وختا، شمّی (19 مهر 1399/ 10 اکتوبر 2020)ئا شه سلاح‌بندێن نپرانِ نێمگا ترور ۆ شهید کنگ بوت.
په سنی‌آنلاین سرهالا، به نکل شه «جیونیوزِ» اردو زبانێن تندجاها، مولانا دکتر عادل‌خان ماں کراچی‌ءِ «شاه‌فیصل کالونی‌»ءِ ڈیه‌ئا، وتی ماشینے/ گاڑی‌ئے تها شه سلاح‌بندێن موتورسوارانِ نێمگا جنَگ بوت.
اِے اُرشے تها مولانا محمدعادل‌خان ماشینے راننده/ ڈرایور هم شهید کنگ بوته.
په کراچی‌ءِ پُلیسے سرهلالے رِدا، مولانا عادل‌خان ماں نادراه‌جاهے راها وفات بوته.
«جناحِ» نادراه‌جاهے سرمسترا جار جته که مولانا محمد عادل‌خانا دو تیر لگته.
مولانا محمد عادل‌خان، مولانا خدابیامرز سلیم‌الله‌خان زهگنت (جامعه فاروقیه ۆ همےرنگ پاکستانے وفاق‌المدارسے دێمے سرمستر). مولانا عادل‌خان شه پاکستانے مزنێن پاگ‌واجه‌ئێن زانتکارانت که هاس ماں «دێم‌پان شه صحابه» ۆ «ملکی‌ئێن تپاکے جوڑ کنگا» ماں پاکستانا بازێن جهدےءِ کرتت.


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *