مروچی :جمعه, ۱۰ فروردین , ۱۴۰۳
واجہ مولانا عبدالحمید:

زوریں اعتراف گرگا اسلام نمنّیت

زوریں اعتراف گرگا اسلام نمنّیت

شیخ‌الاسلام مولانا عبدالحمیدا وتی اے جمعۂ (1 شھریور 1398) گپانی تھا زوریں اعتراف و خبرکشّگ چہ متّھماں سک ایر جت و اسلامِ شریعتِ خلاف زانت.
مولانا عبدالحمیدا زاھدانِ جمعۂ نمازا پہ ایرانی ھستہ‌ای زانوگرانی ترورِ نوکیں شنگ بیتگیں ھالاں اشارہ کرت و گوشتی: تازہ‌یاں لھتے گپ پہ ھستہ‌ای زانوگرانی ترورِ پروندہ باروا شنگ بوتگ، اے باروا آیاں کہ اے زانوگرانی ترورِ تھمتا گرگ و جست‌وپرس بیتگنت، اے منّگ‌اش شکنجہ‌یانی چیرا بیتگ و اے اعتراف وتسریں بوتگنت و بَے/قبول نھنت.
مولانا عبدالحمیدا گوشت: جمھوری اسلامی تھا ما پھکانی سرا ضروری اِنت کہ چہ اسلامی رھبند و رھشونیاں رندگیری کنیں. اگہ قاضی پہ اعتراف‌گرگ و خبرکشّگا یکے واستا تعزیرِ حکما بدات، اے حکم اسلامی تعلیماتِ مطابقا نھنت و اے دابیں اعتراف و منّگا اعتبار و ارزشے نیست. گڑا مئے لوٹ چہ مسئولان ھمش اِنت کہ اے دابیں کارے اجازتا ھچ ارگانا و ادارہ‌یا مدینت.
واجھا دیمترا پہ لھتے سیاستانی بدل کنگا تأکید کت و گوشتی: ما گرداں انسانیں و بیت کنت کہ غلط و ردی یے بکنیں، مھم ایش انت کہ وتی غلط و اشتباھا بمنّیں و وتی تھا تغییرات بیاریں.
زاھدانِ جمعۂ پیشنمازا گیش کت: گوں قوہ قضاییۂ نوکیں رئیسِ آیگا کوشش بیگ انت کہ اے قوہ تھا تغییرات بیئیت و ھمے پیم گوں اقتصادی مفاسدا مبارزہ ببیت کہ اے گَلِی/ خوشحالی جاہ انت. تمامیں ادارہ، نھاد و ارگانا اے نیاز ھست کہ وتی لھتے سیاستانی تھا تجدیدنظر کننت و آیاں بٹگلیننت.


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *