مروچی : 14 آبان , 1397

واجہ رسول اللہ صلی اللہ علیہ وسلمِ بدواھانی آسر ماں راجدپتری تاکاں

واجہ رسول اللہ صلی اللہ علیہ وسلمِ بدواھانی آسر ماں راجدپتری تاکاں

واجہ رسول اللہ صلی اللہ علیہ وسلمِ اولی بدواہ “ابی ابن خلف ” 3 ھجریا واجہ رسول اللہِ دستاں کشگ بوت. یک دگہ مردے کہ آئی ِ نام ات “بشر منافق” اے مرد ا اللہِ رسولِ گستاخی کت اے ماں 3 ھجریا سیدنا عمر فاروق رضی اللہ عنہءِ دستا کشگ بوت. یک دگرے کہ آ زالبولے ات ابولھبِ لوگ بانک ات “اروہ ” آئی نام ات، یک فرشتگیا گٹوس کت و کشت، یک دگہ اسلامِ مزنیں بدواھے کہ آئیا مدام رسول اللہِ گستاخی کت “ابوجھل ” ات. اے مردک ھوں ماں جنگِ اُحُدا معاذ و معوذ رضی اللہ عنھم نامیں دو کسانیں زھگانی دستا کشگ بوت. یک دگہ گستاخی کنوکے “امیہ بن خلف “دو ھجریا ماں سیدنا بلال رضی اللہ عنہءِ دستا کشگ بوت. یک دگہ گستاخی کنوکے “نصر بن حارث” دو ھجریا سیدنا علی رضی اللہ عنہءِ دستا کشگ بوت. یک دگہ یہودی زالبولیں گستاخی کنوکے “عصما ” یک کوریں صحابی یے عمیر بن عدی رضی اللہ عنہءِ دستا 2 ھجریا مرت. یک دگہ مردکارے کہ آئی نام “ابوعکف ” ات اے ھوں 3 ہجریا سالم بن عمر رضی اللہ عنہءِ دستا مرت. یک دگہ مھشوریں گستاخی کنوکیں کافرے “کعب بن اشرف ” سیدنا ابو نائلہءِ دستا 3 ہجریا کشگ بوت. یک دگہ گستاخی کنوکیں مردے کہ آئی نام “ابورافع” ات سیدنا عبداللہ رضی اللہ عنہ دستا ماں 3 ہجریا کشت. یک دگہ گستاخی کنوکیں مردکے “ابوعزہ جمع ” سیدنا عاصم بن ثابتا ماں 3 ہجریا کشت. ھمے پیما “حارث بن طلال ” نامیں مردیا واجہ رسول اللہِ ھلاپ کت و باز گستاخی کت اے سیدنا علی رضی اللہ عنہءِ دستا 8 ہجریا کشگ بوت. گستاخ رسول “عقبہ بن ابی معیط ” اے ھوں سیدنا علی رضی اللہ عنہءِ دستا 2 ہجریا کشگ بوت. گستاخ رسول ” ابوخطل ” اے ماں 8 ہجریا ابو برزہ رضی اللہ عنہءِ دستا مرت و شت. دگہ یک گستاخِ “حویرث نقید ” سیدنا علی رضی اللہ عنہءِ دستا 8 ہجریا مرت. دگہ گستاخی کنوکیں زالبولے “قریبہ” فتح مکہا کشگ بوت. یک عیسائی گورنرے ات “ریجی فالڈ” سلطان صلاح الدین ایوبی دستا مرت و شت. یک دگہ پادریا رسول اللہِ گستاخی کت آئی نام ات “یولوجیئس پادری” اے ابو عبدالرحمن اندلسی دستا مرت. ھمے پیما “راجپال “نامیں ھندوئیا گستاخی کت کہ غازی علم الدین شہیدِ دستاں کشگ بوت. گستاخ رسول “نتھورام” کہ ھندوے ات اے غازی عبدالقیوم دستا مرت و شت. ڈاکٹر رام گوپال نامیں ھندوئیا گستاخی کت کہ غازی معید حسین شہید دستا 1936ءَ کشگ بوت. دگہ یک مردے ات کہ نامی “چرن داس” ات میاں محمد شہید دستاں کشگ بوت ماں 1937ءَ. یک دگہ مردکارے کہ نامی “چنچل سنگھ” ات اے مردک صوفی عبداللہ شہیس دستاں 1938ءَ کشگ بوت.
انگت چشیں بدبھت دگہ لھتیں ھم بوتگ کہ آکشگ بوتگ انت و اے رد دیرانت کہ برجاہ انت، زانگ بہ بیت رسول اللہِ شان و شرپ سک باز مزن انت و آئی ِ تعلیم و داتگیں درونتانی منّوک ھچبر دگرا بد و رد نہ گوش انت بلے اسلامِ ھلاپا مدام پندل سازگ بوگا انت کہ ھچ مسلمان اے چیزا اوپار کت نہ کت کہ کسے آئیءِ نبیّا بد و رد بہ گوش ایت و پھر بہ بند ایت اے پیم مردم ماپی لائق نہ انت پمشکا اشاں بائد انت کہ سرکار مکن بکنت اگاں سرکار مکن نہ کنت و اے چیزا بستار ندانت الما فساد و شدت بیت و مردم جزباتی بنت و گیش تاوان رس ایت، اگاں اے درگتا ھرچی بیت مستریں زمہ وار سرکار انت و آمیدگس انت کہ آ بے سوبیں کارکنگا انت.
اسلام ایمنی و سلامتی لوٹ ایت، حضرت عمر رضی اللہ عنہ وتی زمانگا عیسائیانی عبادت جاہا شت گڈا نماز وھد ات یکبرے حضرت عمر رضی اللہ عنہ دلا ات کہ نماز بہ کنت ماں عیسائیانی عبادت جاہا بلے پدا نہ ونتی و گشتی کہ اگاں من ادا نماز بکناں باندا روچ مسلمان چست بنت و عیسائیانی عبادت جاھاں وتی لیک انت و عیسائیاں تاوان رس ایت پمشکا حضرت عمر نماز نہ ونت. بلے مرچی میڈیایا بگر داں نیم شلونگیں مسلماناں ھرکسا انسانیت یات کیت.
اے جیڑہ مسلمانانی انت بائد انت کہ وتگڑیں آمیدگسا اے پیمیں فیصلہ مہ کتین کہ جاور مگیگ بہ بنت چیاکہ اے اوپار کنگی چیز نہ انت. وھدیکہ سرکاری آمیدگس جوانیں فیصلہ کنگا بے سوب بنت گڈا جاور الم ھمے بنت و ھرکس وت قاضی و آمیدگس بیت.


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *