مروچی : 18 شهریور , 1397
واجہ مولانا عبدالحمید:

ملکِ مسئول باید پہ اقتصادی مشکلاتِ حل کنگا جھد کننت

ملکِ مسئول باید پہ اقتصادی مشکلاتِ حل کنگا جھد کننت

شیخ‌الاسلام مولانا عبدالحمیدا زاھدانِ گوستگیں (16 شھریور 1397) جمعۂ نمازِ دیوانا گوشت:

◻️یک چیزّے کہ مردمی سک‌ پریشان کرتگ انت، ایش انت کہ گوں مستکبر و زوراکانی ظالمانہ‌ایں تحریماں، مئے ملکِ پولِ ارزش کپتگ.
◻️اے اقتصادی مشکلاتِ اصلی سبب چہ یک نیمگے «دُزّی، فساد و مال‌واری» و چہ دگہ نیمگے «ملک‌داریِ غلط و ردیں طریقہ» و ھمے پیم «ڈنی و تھی سیاست» انت.
◻️ھنّوگیں اقتصادی مشکلاتا تھنا بےوس و بےکاریں مردم گرفتار نکرتگ انت، بلکیں سیٹ و چاگردِ تمامیں مردم، زندگی تھا گوں اقتصادی مشکلاتا دیم په دیم انت.
◻️بازیں تاجر و سوداگرا ڈن چہ ملکا وام پر انت و باید گوں دلار آیانی واماں بدینت کہ ھنوگیں جاور و حالاتا وامانی دیگ گران انت.
◻️ پہ اے مشکلات و پریشانیانی حل بیگا دعا ھں باید ببیت، مسئول ھں چہ ملکِ رھشونا گپتگ تا راجکماش و دگہ مسئولاں باید پیش چہ اشیا کہ گرانیں آفت و مصیبتے جاہ بجنت، باید یک سرجم و کاملیں راھے درگیج انت تا کہ ایرانی پولِ ارزش برز بروت.


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *