ﺍﺳﻮﺩ ﻋﻨﺴﯽ ﯾﮏ ﺩﺭۆغبندﮮ ﺍَﺕ ﮐﻪ ﯾﻤﻦِ ملکا پیغمبریِ ﺩﺍﻭﺍﯾﯽ ﮐﺖ. ﺍﮮ ﻣﺮﺩا ﺍﺑﻮﻣﺴﻠﻢ ﺧﻮﻻﻧﯽ لۆﭨﺎئێنت ؤ ﺟﺴﺘﯽ ﮐﺖ: بارێں ﺗﻮ ﮔﻮﺍﻫﯽ ﺩﯾﺌﮯ ﮐﻪ ﻣﺤﻤﺪ ﺍﻟﻠﻪِ پیغمبر ﺍِﻧﺖ؟
ابومسلما گوشت: ﺟﯽ ﻫﻮ ﺑﻠﮑﻞ.
ﭘﺪﺍ ﺟﺴﺘﯽ ﮐﺖ: ﺗﻮ ﮔﻮﺍﻫﯽ ﺩﯾﺌﮯ ﮐﻪ ﻣﻦ ﺍﻟﻠﻪِ پیغمبرﺍﮞ؟
ﮔﻮﺷﺘﯽ: ﻣﻨﯽ ﮔۆﺵ ﮔﺮﺍﻥ ﺍَﻧﺖ، نه اِشکناں.
اسود عنسیا ﭘﺪﺍ ﻭﺗﯽ ﻫﻤﮯ جست ﮐﺖ ﮐﻪ ﺍﺑﻮمسلما ﭘﺪﺍ وتی هما پێشی ﺟﻮﺍﺏ ﺩﺍﺕ .
ﺩﺭۆغبندێں ﺍﺳﻮﺩ ﺯﻫﺮﮔﭙﺖ ؤ ﺩﺳﺘﻮﺭﯼ ﺩﺍﺕ ﻣﺰﻧﯿﮟ ﺁﺳﮯ/ﺁﭼﺸﮯ ﺭۆﮎ بکننت. ﺁﺱ ﺍِﺵ ﺭۆﮎ ﮐﺖ ؤ ﺍﺑﻮﻣﺴﻠﻢ ﺍِﺵ ﺁﺋﯽِ ﺗۆﮐﺎ ﺩﻭﺭ ﺩﺍﺕ ﺑﻠﮯ ﺍﺑﻮﻣﺴﻠﻢِ ﺟﺎﻥِ ﯾﮏ ﻣﻮﺩﮮ ﻫﻢ نه ستک !
ﺩﺭۆغبندێں ﺍﺳﻮﺩا ﺳﮏ ﺑﺪ ﺁﺗﮏ، ﮔﮍﺍ ﺍﺑﻮﻣﺴﻠﻤﯽ ﭼﻪ یمنا ﺩﺭﮐﺖ.
ﺍﺑﻮﻣﺴﻠﻢ ﻣﺪﯾﻨﻪیا ﺷﺖ ﮐﻪ ﻭﺍﺟﻪ ﺭﺳﻮﻝﺍﻟﻠﻪ ﺻﻠّﯽﺍﻟﻠﻪُﻋﻠﯿﻪﻭﺳَﻠَّﻢ ﻧﻤﻨﺘﮓ ﺍَﺕ ؤ ﺣﻀﺮﺕ ﺍﺑﻮﺑﮑﺮ ﺭَﺿِﯽَ ﺍﻟﻠّﻪُ ﻋَﻨْﻪُ ﺁﺋﯽِ ﺟﺎﻧﺸﯿﻦ بوتگت.
ﺣﻀﺮﺕ ﻋﻤﺮ ﺭَﺿِﯽَ ﺍﻟﻠّﻪُﻋَﻨْﻪُ وا ﺟﺴﺖ ﮐﺖ ﺗﻮ ﭼﻪ ﮐﺠﺎ پێدﺍﮔﺌﮯ؟
ﮔﻮﺷﺘﯽ: ﭼﻪ یمنا.
ﺟﺴﺘﯽ ﮐﺖ: ﻫﻤﺎ ﻣﺮﺩِ حال ﭼﮯ ﺑﻮﺕ ﮐﻪ ﺍﺳﻮﺩا ﺁﺱِ ﺗﻬﺎ ﺩﻭﺭ ﺩﺍﺕ ﺑﻠﮯ ﻧﺴﺘﮏ؟
ﮔﻮﺷﺘﯽ: ﺁ ﻣﺮﺩ ﻣﻨﺎﮞ.
ﺣﻀﺮﺕ ﻋﻤﺮ ﺭَﺿِﯽَ ﺍﻟﻠّﻪُ ﻋَﻨْﻪُ وا ﺁﺋﯽِ پێشاﻧﯿﮓ چُکّ اِت ؤ ﺣﻀﺮﺕ ﺍﺑﻮﺑﮑﺮ ﺭَﺿِﯽَ ﺍﻟﻠّﻪُ ﻋَﻨْﻪُ ءِ ﮔﻮﺭﯼ ﺁﺭﺕ ؤ فرﻣﺎئێنتی: ﺍﻟﻠﻪِ ﺷﮕﺮا ﮔﺮﺍﮞ ﮐﻪ ﻣﻨﯽ ﺯﻧﺪﮒ ﮐﺖ ﺗﺎ ﮐﻪ ﻣﻦ ﺍﮮ ﺍﻣﺖِ ﺗﻬﺎ ﺣﻀﺮﺕ ﺍﺑﺮﺍﻫﯿﻢﻋﻠﯿﻪ ﺍﻟﺴﻼﻡِ ﻭﮌێں ﻣﺮﺩﻣﮯ ﺩﯾﺖ.
📚 ﺳﺮﭼﻤﮓ: ﺍﻟﺒﺪﺍﯾﺔ ﻭ ﺍﻟﻨﻬﺎﯾﺔ، ﺍﺑﻦ ﮐﺜﯿﺮ
✍🏻 ﺭﺟﺎﻧﮑﺎﺭ : ﻣﺤﻤﺪ ﺁﺳﮑﺎﻧﯽ
چمشانک