مروچی : 20 اسفند , 1396

گشتِ واجهاں جنێں چُکّانی سفر برگ بے محرما اِێرجت

گشتِ واجهاں جنێں چُکّانی سفر برگ بے محرما اِێرجت

سنی‌آنلائنِ هالکاریا، اِے هفتگِ سراوانِ «گشتِ» جمعه نمازا دو واجها جنێں چکّانی سفر برگ بے شرعی محرمِ همراهیا «حرام» زانت ؤ اِے کارش قرآن ؤ سنت ؤ اسلامی رهبندانی خلافا زانت.
واجه مولوی عبدالرحیم حسین‌پورا درّائێنت: قرآن ؤ سنتِ کجام قانون اجازت دات که جنێں چُکّ بے شرعی محرما په اردو ؤ گردگ تهران، مشهد، اهواز ؤ دگه جاهاں برگ بنت؟
واجها گوشت: حجّ یکے چه اسلامِ پنچێں ستون/ڈێکیان اِنت، بلے اسلامِ شرع جنێنانی حج روگا هں بے محرما نمنّیت؛ چه برسیت که جنێں چکّ دگه شهراں گۆں نامحرما برگ بنت، زانوں بَسِ راننده ؤ شاگرد محرم اَنت؟
همے پیم واجه مولانا عبدالحکیم سیدزاده‌یا هں گشتِ جمعه‌یِ نمازِ دیوانا گوشت: جنێں چکّانی برگ په علمی، مطالعاتی، گردگی ؤ جهادی اردو ؤ سفراں بے شرعی محرمِ همراهیا، «حرام» اِنت؛ گڑا ما چه تمام جنکّانی ولیّان لۆٹێں که هچ کس وتی زهگا دێم مدات، اگه یک دو نفر بروت، گڑا دگرانی زهگ هں وتی لۆگِ مردمانی سرا فشار کارنت ؤ آیانا هکّ‌سر کننت.
واجه سیدزاده‌یا گوشت: من مسئول ؤ سرکار گوشتگنت چه اِشی که جنێں چک اردو ؤ سفرا برگ بنت، شما همے ملکِ معلّم ؤ استاداں کار گر اِت یا اِشی که هما پولاں دئیت ؤ آ معلّماں ادا بلۆٹائێن اِت.


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *