پیغمبر صلیالله علیه وسلم ءِ سیرتِ ششمی مراگش ؤ دیوان دوشی زاهدانِ عثمانی مسیتّا گوں بازیں عالم ؤ زانتکار ؤ دینداریں مردمے مُچّیا برجم دارگ بوت.
په سنیآنلائنِ هالکاریا، اِے دیوانِ اولی بهر زیگیں بیگاها بنگیج بوت. اولی بهرا نامکٹگیں نبیسنده ؤ لچهکاراں وتی نبشتانک ؤ لچه په دیوانِ بهر زوروکاں وانتنت. همے پیم اِے بهرا واجه مولوی حبیبالله مرجانیا هں دانکے گپ پیش کرت.
دیوانِ اصلی بهر رند چه مغربِ نمازا گوں قاری ضیاءالرحمن صحتِ تلاوتا بنگیج بوت. دیوان اِے بهرا واجه شیخالاسلام مولانا عبدالحمید ؤ واجه مفتی محمدقاسم قاسمیا گپ ؤ تراں کت.
اِے دیوانِ گڈسرا چه درچتگیں ندکار ؤ نبیسندهیاں گوں داد ؤ جایزه دیگا منتواری بوت. سرجم اِے مراگشا 224 نبشتانک ؤ شعر ؤ لچّه دیم دیگ بوت.
چمشانک