مروچی :جمعه, ۱۰ فروردین , ۱۴۰۳

ایرانِ اهل‌سنتِ بیست‌ؤسیومی فقهی دیوان بنگیج بوت

ایرانِ اهل‌سنتِ بیست‌ؤسیومی فقهی دیوان بنگیج بوت

ایرانِ اهل‌سنتِ بیست‌ؤسیومی فقهی مجمع/دیوان مرچی صباح سےشمبے (21 آذر 96) دارالعلوم زاهدانا گوں واجه شیخ‌الاسلام مولانا عبدالحمیدِ واجهیا، بنگیج بوت.
په سنی‌آنلائنِ هالکاریا، مں اِے سالِ فقهی دیوانا که مروچیگ ؤ‌ باندات برجم دارگ بیگ اِنت، چهار فقهی مسئله «ماشینانی پیش‌بهاءِ تسهیلاتِ شرط»، «بانکی ضمانت‌نامه»، «لهتے طلاقِ حکم» ؤ «چِکانی کم‌ بها کنگِ حکم» باروا گپ ؤ گال بیت ؤ چِست ؤ اِیر بنت.
اِے فقهی دیوانا چه ایرانِ مختلفیں جاهاں مزنیں عالم ؤ مفتیاں بهر زرتگ. واجه مولانا عبدالحمیدا اِے دیوانِ بنگیجیا تمامیں واجه ؤ مفتی وشّآتک کرتنت. بنگیجی دیوان گوں واجه مولانا عبدالغنی بدریِ تلاوتا بنگیج بوت.
ایرانِ اهل‌سنتِ فقهی مجمع که واجه شیخ‌الاسلام مولانا عبدالحمیدا آئیِ کارمستر اِنت ؤ بُندری جاهی دارالعلوم زاهدان اِنت، همُک سال په فقهی نوکیں مسائلِ جوابانی درگیجگا گوں مزنیں عالم ؤ مفتیاں دیوانے برجم داریت ؤ‌ تا هنو بازیں مسائلے گوں واجهانی جُهد ؤ‌ هیدریچیا گیشّینگ بوت. اِے مجمعِ اصلی باسک چه ایرانِ مزنیں مفتیانی درمیانا گچین کنگ بوتگنت.


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *