مروچی :جمعه, ۱۰ فروردین , ۱۴۰۳

نلسون ماندلاءِ یات

نلسون ماندلاءِ یات

یک روچے آفریقا جنوبیِ رئیس جمهور «نلسون ماندلا» په سُبارگِ وَرگا گوں وتی هَمراهاں په مَزنیں هوٹلیا شُت.
ماندلا گِندیت داں آ کِشترا مردکے نشتگ، دُزی دُزیا په هِژم مئے نیمگا چارگ اِنت.
ماندلا گُشیت: برو اِت آ مردکا سلاهے بِجَن اِت و بِیاراِت.
ماندلاءِ هَمراه مردکایا کَاریت.
مَردکا په شرمندگی کَئیت و نِندیت، گوں ماندلایا سبارگ وارت.
سبارگا رند ماندلا وتی همراهاں زیریت و ڈَنّا دَرکئیت.
یَکّ همراهے ماندلایا مجبور کَنت که ما را بُگش، باریں آ مَردک کئے بیتگ.
ماندلا جواب دات: اِے مردکا منی جیلِ نگهپان بوتگ.
من هَر وهدے آپ لوٹتگ، اے مردا وتی شلوار جَهل کُتگ و منی چَکّا پیشآپ کُتگ.
همراه برانز گِریت و گوشیت: گُڑا تو چیا سَلاه جَتگ و عِزّت داتگ.
ماندلایا جواب دات: ما هما وَهدا که ما هُوٹلا پُتُرتگیں، اِے مَردکا من دیستگ. من چارتگ داں باز بےوَڑ اِنت،
هَمےخیالا کَنگ اِنت، که ماندلا مناں چه بَلکیں پیشی بیراں بِگریت.
من لوٹتگ که آئیا دِلجم بِکَناں، مئی آجوئی په بیرگیریا نَبیتگ.

🔸همیش اِنت که راج دفترا ماندلا په نیکنامیا زانگ بیت، و هیتلر پَه بَدنامیا

✍🏼 رجانکار: ناصر نصیب


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *