مرچی سهبا (17 خرداد96) مں دو تروریستی حملهیا په ایرانِ مجلس شورای اسلامی (پارلمان) ؤ امام خمینیِ آرامجاهِ سرا، 12 نفر شهید ؤ گیش چه 40 نفر ٹپی بوتنت.
په سنیآنلائنِ هالکاریا، وزارت کشورا تأیید کرت که چه اِے دوئیں تروریستی حمله ؤ اُرُشاں، 12 نفر شهید ؤ 42 نفر ٹپی بوتگ.
اِے تروریستی اُرش دو نفرا امام خمینیِ آرامجاهِ سرا ؤ چار نفر دگرا مجلسِ شورا اسلامیا هوریگا ساعت 10:30 ئا بنگیج کرتگنت.
مں اِے حملهیاں چهار نفر چه تروریستاں کشگ بوتگ ؤ دو نفرا هں گوں وتتراکی/انتحاری بیراں بوتگنت.
وزارت کشورا گوشتگ: اِے هر دوئیں پیشامد آ سر بوتگنت ؤ اوضاع انتظامی ؤ امنیتی واکانی دستا کپتگ.
مرچی بیگاها شورای امنیتِ دیوان گوں وزیر کشورِ کارمستریا په اِے پیشامدانی بررسی ؤ چست ؤ اِیرا برجم دارگ بیت.
چمشانک