مروچی : 24 فروردین , 1396

بیگ‌محمد بیگل بلوچی زبانِ مزنیں ادیب نمنت

بیگ‌محمد بیگل بلوچی زبانِ مزنیں ادیب نمنت

سنی‌آنلائن/ بلوچی زبانِ مزنیں ادیب ؤ تنزنبیس زیگیں روچ 12 اپریل 2017 ئا رند چه عمرے جهد ؤ‌ کوشش، کوڑهیں دنیا ویل دات ؤ دیم په وتی ابدمانیں جاها رهادگ بوت.
واجہ بیگ‌محمد بیگل یک جون 1936 ئا مں کراچیا ودی بوتگ، واجہِ کماشِ نام محمدقاسم بوتگ. واجہ‌ئا وتی بنداتی وانگ ؤ زانگ چہ کراچیا بندات کتگ، بیگلِ زانت ؤ زانشت باز کوھنیں ؤ پُھتہ بوتگ. آ چہ کسانیا وانندہ ؤ زانتکارے بوتگ کہ آ زمانگا بلوچ راج چہ وانگ ؤ زانگا جوانیں رنگیا سرپد نبوتگ.
واجہ‌ئا وتی وانگِ سرجم کنگا رند، وتی گام مں بلوچی لبزانکِ تہا ایر کتگنت واجہ‌ئا بلوچی زبانا گوں تژن ؤ بچکندی تہرا بلاھیں واھگے بوتگ، ھمے حب ؤ واھگا آئی بلوچی لبزانکِ تہا یک جوانیں منزلیا سرکت.
واجہ بیگلِ ھمک تژن ؤ بچکند چہ پکر ؤ زانتا سرریچ اَنت کہ وانوکا ایوکا تژن ؤ بچکندا اَبید دگہ بازیں سرپدی دئینت.
«ڈاکٹر»، «بانکلینک»، «آپریشن»، «زنڈیں دپار»، «جوکر» ؤ «برزخ» چه واجه بیگلِ گران‌قیمتیں وانگی/کتابان اَنت که پشکپتگ انت.
سنی آنلائنِ هال‌رسانی سایت باسک، گوں وتی اپسوزِ درشاں کنگا چه اِے مزنیں ندکار ؤ‌ جهدکارِ وفاتا، اِے واجهِ روگا په بلوچ راجا ؤ واجهِ تمامیں واهگداراں، تسلیت گوشنت ؤ چه اللهِ بارگاها په خدامرزیا بکشش و مغفرت و په پشپداں صبر ؤ اوپارا لوٹوک اَنت.


چمشانک

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *